സോഷ്യൽ മീഡിയയിൽ വൈറലായി ‘ഗോട്ട്’ മോതിരം. വിജയ് സോഷ്യല്‍ മീഡിയയില്‍ പങ്കിട്ട ചിത്രമാണ് ഇപ്പോള്‍ വൈറലാകുന്നത്. ഗോട്ട് എന്ന് എഴുതിയ ഒരു മോതിരം ഇട്ട് കൊണ്ട് വിജയ് നില്‍ക്കുന്ന ചിത്രമാണ് താരം പങ്കിട്ടത്. മൂന്ന് മണിക്കൂറില്‍ 1.7 മില്ല്യണ്‍ ലൈക്കുകളാണ് ഈ ഫോട്ടോയ്ക്ക് ലഭിച്ചിരിക്കുന്നത്.
ഗോട്ട് മോതിരം വിജയിക്ക് സമ്മാനിച്ചത് ‘ദളപതി 69’ ന്റെ നിർമ്മാതാവ് ആണെന്നാണ് വിവരം. ഗോട്ടിന്‍റെ വിജയം കൂടി കണ്ടാണ് ഇത്തരം ഒരു മോതിരം സമ്മാനിച്ചത്. അതേസമയം തന്റെ അവസാന ചിത്രമായ ‘ദളപതി 69’ എന്ന ചിത്രത്തിലൂടെ അഭിനയ രംഗത്ത് നിന്നും വിടവാങ്ങുകയാണ് വിജയ്.
നേരത്തെ തന്നെ ഇന്‍സ്റ്റയില്‍ തന്റെ പവര്‍ അറിയിച്ചിട്ടുള്ള താരമാണ് വിജയ്. അക്കൗണ്ട് തുടങ്ങി അതിവേഗത്തിലാണ് താരം 10 മില്ല്യണ്‍ ഫോളോവേര്‍സിനെ ഉണ്ടാക്കിയത്. ഇപ്പോള്‍ ഇന്‍സ്റ്റയില്‍ 12 മില്ല്യണ്‍ ആണ് വിജയ്‌യുടെ ഫോളോവേര്‍സ്. കഴിഞ്ഞ വര്‍ഷം ഏപ്രിലിലാണ് വിജയ് ഇന്‍സ്റ്റയില്‍ ലിയോ എന്ന ചിത്രത്തിന്റെ ഷൂട്ടിനിടെ ഇന്‍സ്റ്റ അക്കൗണ്ട് ആരംഭിച്ചത്.
അതിനിടെ വിജയ്‌യുടെ അവസാന ചിത്രമായ ‘ദളപതി 69’ന്റെ പൂജ ചെന്നൈയിൽ വച്ച് നടന്നു. എച്ച്. വിനോദ് സംവിധാനം ചെയ്യുന്ന ‘ദളപതി 69’ ൽ മലയാളത്തിൽ നിന്നും മമിത ബൈജുവും നരേനും പ്രിയാമണിയും പ്രധാന വേഷങ്ങളിലെത്തുന്നുണ്ട്. ചിത്രത്തിന്റെ പ്രധാന അഭിനേതാക്കളും അണിയറപ്രവർത്തകരും ചടങ്ങിൽ പങ്കെടുത്തു.
