കോഴിക്കോട് പന്തീരാങ്കാവില്‍ മാവോയിസ്റ്റ് ബന്ധം ആരോപിച്ച് യു.എ.പി.എ ചുമത്തി അറസ്റ്റിലായ അലന്‍ ഷുഹൈബിനേയും താഹ ഫസലിനേയും എന്‍ഐഎ കസ്റ്റഡിയില്‍ വിട്ടു. ഇരുവരെയും കസ്റ്റഡിയില്‍ വിട്ടുകിട്ടണമെന്ന് ആവശ്യപ്പെട്ട് നല്‍കിയ അപേക്ഷയിലാണ് കൊച്ചി എന്‍.ഐ.എ കോടതിയുടെ വിധി. ഇരുവരെയും നാളെ ഹാജരാക്കണമെന്നും കോടതി ഉത്തരവിട്ടു.
എന്‍.ഐ.എ അന്വേഷണം ഏറ്റെടുത്തതിനാല്‍ പ്രതികളെ കുടുതല്‍ ചോദ്യം ചെയ്യേണ്ടതുണ്ടെന്നും ഒരാഴ്ചത്തേക്ക് കസ്റ്റഡിയില്‍ വേണമെന്നുമായിരുന്നു എന്‍.ഐ.എയുടെ ആവശ്യം. പ്രതികളെ അടുത്ത മാസം 24 വരെ റിമാന്‍ഡ് ചെയ്ത് തൃശൂരിലെ അതിീവസുരക്ഷാ ജയിലിലേക്ക് മാറ്റിയിരുന്നു.
Read more
അതേസമയം,അലനും, താഹയ്ക്കുമെതിരെ യു.എ.പി.എ ചുമത്തിയത് ചട്ടം പാലിച്ചല്ലെന്നും തെളിവുണ്ടങ്കില്‍ മുഖ്യമന്ത്രി പുറത്ത് വിടട്ടെയെന്നും പ്രതിപക്ഷ നേതാവ് രമേശ് ചെന്നിത്തല പറഞ്ഞു. ഇരുവരുടെയും വീട് സന്ദര്‍ശിച്ച ചെന്നിത്തല, കേസ് വീണ്ടും നിയമസഭയില്‍ ഉന്നയിക്കുമെന്നും വ്യക്തമാക്കി.
