സോളാർ വിവാദങ്ങൾ കത്തി നിൽക്കുന്നതിനിടെ ആത്മകഥയുമായി കേസിലെ മുഖ്യപ്രതി സരിത എസ് നായർ രംഗത്ത്. ഒരിടവേളക്ക് ശേഷം സോളാർ വിവാദം കേരള രാഷ്ട്രീയത്തിൽ സജീവ ചർച്ചകയാകുന്നതിനിടെയാണ് സരിതയുടെ കടന്നുവരവ്. പ്രതിനായിക എന്ന പേരിലുള്ള പുസ്തകത്തിന്റെ കവർ പേജാണ് ഇപ്പോൾ പങ്കുവച്ചിരിക്കുന്നത്.
ഫെയ്സ്ബുക്ക് പോസ്റ്റിലൂടെയാണ് സരിത പുസ്തകത്തിന്റെ കവർ പേജ് പങ്കുവച്ചത്. പ്രതി നായിക എന്നോ പ്രതിനായിക എന്നോ വായിക്കാവുന്ന രീതിയിലാണ് കവർ പേജിന്റെ ഡിസൈൻ. “ഞാൻ പറഞ്ഞതെന്ന പേരിൽ നിങ്ങൾ അറിഞ്ഞവയുടെ പൊരുളും പറയാൻ വിട്ടു പോയവയും” പുസ്തകത്തിലുണ്ടെന്ന് സരിതയുടെ ഫെയ്സ്ബുക്ക് കുറിപ്പ്.
Read more
ഉമ്മൻചാണ്ടിക്കെതിരായ ഗൂഢാലോചനയിൽ ആരൊക്കെ ഉണ്ടെന്നുള്ളതിന്റെ ചർച്ച ഉയർന്നു വരികയാണ് ഇപ്പോൾ, കെ ബി ഗണേഷ് കുമാറുൾപ്പെടെ പലരും പ്രതിസ്ഥാനത്ത് നിൽക്കുകയാണ്. അതിനിടെ പിസി ജോർജ് തുടങ്ങി പല പ്രമുഖരും കേസിൽ വെളിപ്പെടുത്തലുമായി മുന്നോട്ടുവന്നിരുന്നു. ഈ സാഹചര്യത്തിലാണ് സരിതയുടെ പുസ്തകം തയ്യാറാകുന്നത്. കൊല്ലം ആസ്ഥാനമായ റെസ്പോൻസ് ബുക്ക് ആണ് പുസ്തകം തയാറാക്കുന്നത്.
