എറണാകുളത്ത് വെടിയുണ്ട ചട്ടിയിലിട്ട് ചൂടാക്കിയ സംഭവത്തില്‍ വിശദമായ അന്വേഷണത്തിന് ഉത്തരവിട്ട് കൊച്ചി സിറ്റി പൊലീസ് കമ്മീഷണര്‍. മാര്‍ച്ച് 10ന് എആര്‍ ക്യാംപില്‍ നടന്ന സംഭവത്തിലാണ് അന്വേഷണം നടത്തി എത്രയും വേഗം റിപ്പോര്‍ട്ട് കൈമാറാന്‍ കമ്മീഷണര്‍ പുട്ട വിമലാദിത്യയുടെ ഉത്തരവ്.
എആര്‍ ക്യാംപിലെ ആയുധപ്പുരയുടെ ചുമതലയുണ്ടായിരുന്ന റിസര്‍വ്വ് സബ്ഇന്‍സ്‌പെക്ടര്‍ സിവി സജീവിനെതിരെയാണ് അന്വേഷണം. അന്വേഷണ റിപ്പോര്‍ട്ട് ലഭിച്ച ശേഷമാണ് സംഭവത്തില്‍ തുടര്‍നടപടികള്‍. മാര്‍ച്ച് 10ന് എആര്‍ ക്യാമ്പിലായിരുന്നു വെടിയുണ്ട ചട്ടിയിലിട്ട് ചൂടാക്കിയതിന് പിന്നാലെ പൊട്ടിത്തെറിച്ചത്.
Read more
ഇടപ്പള്ളി പൊലീസ് സ്റ്റേഷനിലെ പൊലീസ് ഉദ്യോഗസ്ഥന്റെ സംസ്‌കാര ചടങ്ങള്‍ക്ക് ആകാശത്തേക്കു വെടിവയ്ക്കാന്‍ തയ്യാറെടുക്കുമ്പോള്‍ വെടിയുണ്ട ക്ലാവ് പിടിച്ചതായി കണ്ടെത്തി. ബ്ലാങ്ക് അമ്യൂണിഷന്‍ ക്ലാവ് പിടിച്ചാല്‍ വെയിലത്ത് ചൂടാക്കി ഉപയോഗിക്കുന്നത് സാധാരണയാണ്. എന്നാല്‍ വെയിലത്ത് വയ്ക്കുന്നതിന് പകരമാണ് വെടിയുണ്ടകള്‍ അടുക്കളയില്‍ ചട്ടിയിലിട്ട് ചൂടാക്കിയത്. പിന്നാലെ വെടിയുണ്ടകള്‍ പൊട്ടിത്തെറിക്കുകയായിരുന്നു.
