പാലക്കാട്ട് ഇലക്ട്രിക് ഷോക്കേറ്റ് പിതാവിനും മകനും ദാരുണാന്ത്യം. പാലക്കാട് വാളയാറിലാണ് സംഭവം നടന്നത്. വാളയാര്‍ അട്ടപ്പള്ളം സ്വദേശി മോഹന്‍, മകന്‍ അനിരുദ്ധ് എന്നിവരാണ് ഇലക്ട്രിക് ഷോക്കേറ്റ് മരിച്ചത്. വീടിന് സമീപത്തെ കൃഷിയിടത്തില്‍ സ്ഥാപിച്ച പന്നിക്കെണിയില്‍ കുടുങ്ങിയാണ് ഇരുവരുടെയും മരണമെന്നാണ് പ്രാഥമിക നിഗനമം.
Read more
പിതാവിന് ഷോക്കേറ്റപ്പോള്‍ അനിരുദ്ധ് രക്ഷിക്കാന്‍ ശ്രമിച്ചതോടെയാണ് യുവാവും മരിച്ചതെന്നാണ് പുറത്തുവരുന്ന വിവരം. ഇരുവരുടെയും മൃതദേഹങ്ങള്‍ ആശുപത്രിയിലേക്ക് മാറ്റി. പോസ്റ്റുമോര്‍ട്ടത്തിന് ശേഷം മൃതദേഹങ്ങള്‍ കുടുംബത്തിന് വിട്ടുനല്‍കും.
