ആലപ്പുഴയിലെ കാരണവര് കൊലക്കേസ് പ്രതി ഷെറിന് ശിക്ഷാ കാലയളവില് ഇളവ് അനുവദിക്കാനുള്ള മന്ത്രിസഭാ തീരുമാനത്തിനെതിരെ രമേശ് ചെന്നിത്തല രംഗത്ത്. ചെങ്ങന്നൂര് ചെറിയനാട് സ്വദേശി ഭാസ്കര കാരണവരെ കൊലപ്പെടുത്തിയ കേസില് പ്രധാന പ്രതിയും കാരണവരുടെ മരുമകളുമായ ഷെറിനാണ് ശിക്ഷാകാലയളവില് ഇളവ് അനുവദിക്കാന് തീരുമാനമായത്.
സര്ക്കാര് തീരുമാനത്തിനെതിരെ രമേശ് ചെന്നിത്തല ഗവര്ണര്ക്കു കത്ത് നല്കി. പ്രതിയ്ക്ക് ശിക്ഷയില് ഇളവ് അനുവദിക്കുന്നത് നിയമവിരുദ്ധവും സമൂഹത്തിനു തെറ്റായ സന്ദേശം നല്കുന്നതുമാണെന്ന് ചെന്നിത്തലയുടെ കത്തില് പറയുന്നു. മൂന്ന് ജീവപര്യന്തത്തിന് ശിക്ഷിക്കപ്പെട്ടയാളെന്ന് മാത്രമല്ല സഹതടവുകാരുമായും ഉദ്യോഗസ്ഥരുമായും പ്രശ്നമുണ്ടാക്കിയിരുന്നതായും കത്തില് പറയുന്നു.
ജയിലില് പ്രശ്നങ്ങളുണ്ടാക്കിയതിനാല് നാലു തവണ ജയില് മാറ്റിയ ഷെറിനെ ജയില് മോചിതയാക്കാനുള്ല മന്ത്രസഭതീരുമാനം മിന്നല് വേഗത്തിലായിരുന്നു. 25 വര്ഷത്തിലധികമായി തടവിലുള്ളവരെ വിട്ടയയ്ക്കണമെന്ന് ജയില് ഉപദേശക സമിതികളുടെ ശുപാര്ശകളില് തീരുമാനം നീളുമ്പോഴാണ് 14 വര്ഷം മാത്രം പൂര്ത്തിയാക്കിയെന്ന കാരണം പറഞ്ഞ് ഷെറിനെ മോചിപ്പിക്കാനുള്ള തീരുമാനം.
Read more
ഇത് മന്ത്രിസഭയിലെ തന്നെ ഉന്നതരുടെ സ്വാധീനം മൂലമാണെന്ന് ചെന്നിത്തല ചൂണ്ടിക്കാട്ടി. കണ്ണൂര് ജയില് ഉപദേശക സമിതി ഡിസംബറില് നല്കിയ ശുപാര്ശ പരിഗണിച്ചാണ് മന്ത്രിസഭാ തീരുമാനം.