ഡൽഹി തിരഞ്ഞെടുപ്പിൽ ആം ആദ്മി തിരിച്ചടി നേരിട്ടതിന് പിന്നാലെ പാർട്ടി കൺവീനറും മുൻ മുഖ്യമന്ത്രിയുമായ അരവിന്ദ് കെജ്‍രിവാളിനെതിരെ രൂക്ഷ വിമർശനവുമായി അണ്ണാ ഹസാരെ. സ്ഥാനാർത്ഥികൾ സംശുദ്ധരായിരിക്കണം. കെജ്രിവാൾ പണം കണ്ട് മതി മറന്നുവെന്നും അണ്ണാ ഹസാരെ കുറ്റപ്പെടുത്തി. തൻ്റെ മുന്നറിയിപ്പുകൾ കെജ്രിവാൾ ചെവിക്കൊണ്ടില്ലെന്നും അണ്ണാ ഹസാരെ കൂട്ടിച്ചേർത്തു.
കെജ്രിവാൾ പണത്തിന് പിന്നാലെ ഓടി വഴുതിവീണെന്ന് അണ്ണാ ഹസാരെ മുൻപും വിമർശനമുന്നയിച്ചിരുന്നു. ഡൽഹി നിയമസഭ തിരഞ്ഞെടുപ്പിൽ 24 സീറ്റിലാണ് ആം ആദ്മി ലീഡ് ചെയ്യുന്നത്. 46 സീറ്റിന്റെ ലീഡുമായി ബിജെപി മുന്നിട്ട് നിൽക്കുകയാണ്.
