പരമോന്നത സിവിലിയന്‍ പുരസ്‌കാരം പ്രധാനമന്ത്രി നരേന്ദ്ര മോദിയ്ക്ക് പ്രഖ്യാപിച്ച് ഡൊമിനിക്ക. ഡൊമിനിക്കയ്ക്ക് പ്രധാനമന്ത്രി നല്‍കിയ സംഭാവനകള്‍ കണക്കിലെടുത്താണ് പുരസ്‌കാര പ്രഖ്യാപനം. ഇരു രാജ്യങ്ങളും തമ്മിലുള്ള ബന്ധം സുദൃഢമാക്കുന്നതിന് പ്രധാനമന്ത്രി വഹിച്ച പങ്കും പുരസ്‌കാരത്തിന് അര്‍ഹനാക്കിയെന്നാണ് ഡൊമിനിക്കയുടെ വിശദീകരണം.
കോവിഡ് മഹാമാരി കാലത്ത് മോദി ഡൊമിനിക്കയ്ക്ക് നല്‍കിയ സംഭാവനകള്‍ രാജ്യം സ്മരിച്ചു. പ്രധാനമന്ത്രി നരേന്ദ്ര മോദി 70,000 ഡോസ് ആസ്ട്രസെനെക്ക വാക്സിന്‍ നല്‍കിയതിനെ ഡൊമിനിക്ക പ്രധാനമന്ത്രിയുടെ ഓഫീസ് പുറത്തിറക്കിയ പത്രക്കുറിപ്പില്‍ വിശദീകരിക്കുന്നുണ്ട്. നരേന്ദ്ര മോദി നല്‍കിയ പിന്തുണയാണ് ഇതിലൂടെ ഡൊമിനിക്ക വ്യക്തമാക്കുന്നത്.
ഗയാനയിലെ ജോര്‍ജ്ജ് ടൗണില്‍ നവംബര്‍ 19 മുതല്‍ 21 വരെ നടക്കുന്ന ഇന്ത്യ- കാരികോം ഉച്ചകോടിയില്‍ ഡൊമിനിക്കന്‍ പ്രസിഡന്റ് സില്‍വാനി ബര്‍ട്ടണ്‍ പുരസ്‌കാരം മോദിയ്ക്ക് സമ്മാനിക്കും. കാരികോം കരീബിയന്‍ രാജ്യങ്ങളുടെ കൂട്ടായ്മയാണ്. ഡൊമിനിക്കയുടെ നന്ദിയുടെ പ്രകടനമാണ് പുരസ്‌കാരമെന്നും അവാര്‍ഡ് വാഗ്ദാനം മോദി സ്വീകരിച്ചതായും പ്രസ്താവനയില്‍ പറയുന്നു.
Read more
ഇതുകൂടാതെ ആരോഗ്യ സംരക്ഷണം, വിദ്യാഭ്യാസം, വിവര സാങ്കേതികവിദ്യ എന്നിവയില്‍ ഡൊമിനിക്കയ്ക്കുള്ള ഇന്ത്യയുടെ പിന്തുണയെക്കുറിച്ചും പ്രധാനമന്ത്രിയുടെ ഓഫീസ് പുറത്തിറക്കിയ പത്രക്കുറിപ്പില്‍ പ്രസ്താവനയില്‍ വ്യക്തമാക്കുന്നുണ്ട്.
