ജാര്‍ഖണ്ഡില്‍ ഇന്‍സ്റ്റാഗ്രാം റീല്‍ ചിത്രീകരിക്കാന്‍ 100 അടി ഉയരത്തില്‍ നിന്ന് ചാടിയ കൗമാരക്കാരന് ദാരുണാന്ത്യം. ജാര്‍ഖണ്ഡിലെ സാഹിബ്ഗഞ്ച് ജില്ലയിലാണ് സംഭവം നടന്നത്. തിങ്കളാഴ്ച വൈകുന്നേരമാണ് തൗസിഫ് എന്ന 18കാരന്‍ 100 അടിയോളം ഉയരത്തില്‍ നിന്ന് ക്വാറി തടാകത്തിലേക്ക് റീല്‍സ് ചിത്രീകരണത്തിനായി ചാടിയത്.
ഉയരത്തില്‍ നിന്ന് വെള്ളത്തിലേക്ക് ചാടിയതിന് പിന്നാലെ തൗസിഫ് മുങ്ങിപ്പോകുകയായിരുന്നു. തൗസിഫിന്റെ സുഹൃത്തുക്കള്‍ ക്വാറിയ്ക്ക് മുകളില്‍ നിന്ന് വീഡിയോ ചിത്രീകരിക്കുകയായിരുന്നു. വെള്ളത്തിലേക്ക് ചാടിയ തൗസിഫ് അല്‍പ്പനേരെ നീന്താന്‍ ശ്രമിച്ചെങ്കിലും പിന്നീട് മുങ്ങിപ്പോകുകയായിരുന്നു.
Read more
സുഹൃത്തുക്കള്‍ ശ്രമിച്ചിട്ടും തൗസിഫിനെ രക്ഷപ്പെടുത്താനായില്ല. തുടര്‍ന്ന് സുഹൃത്തുക്കള്‍ നാട്ടുകാരെയും പൊലീസിനെയും വിവരം അറിയിക്കുകയായിരുന്നു. ഇതേ തുടര്‍ന്ന് നടത്തിയ തിരച്ചിലിലാണ് തൗസിഫിന്റെ മൃതദേഹം കണ്ടെത്തിയത്. സംഭവത്തിന്റെ ദൃശ്യങ്ങള്‍ ഇതോടകം സാമൂഹ്യ മാധ്യമങ്ങളില്‍ വൈറലായിട്ടുണ്ട്.
