മഹാരാഷ്ട്രയിലെ താനെയിലെ പ്രൈം ക്രിട്ടികെയര്‍ എന്ന സ്വകാര്യ ആശുപത്രിയിലുണ്ടായ തീപിടുത്തത്തിൽ നാല് രോഗികൾ മരിച്ചു. മുംബൈയിൽ നിന്ന് 28 കിലോമീറ്റർ അകലെയാണ് സംഭവസ്ഥലം. പ്രൈം ക്രിട്ടികെയർ ആശുപത്രി കൗസയിലാണ് സ്ഥിതി ചെയ്യുന്നത്. പുലർച്ചെ 3.40ഓടെയാണ് സംഭവം. മൂന്ന് ഫയർ എഞ്ചിനുകൾ സ്ഥലത്തെത്തിയാണ് തീയണച്ചത്.
20 രോഗികളെ ആശുപത്രിയിൽ നിന്ന് രക്ഷപ്പെടുത്തി. ഇതിൽ എട്ട് പേരെ ഐ.സി.യുവിലാണ് പ്രവേശിപ്പിച്ചിരിക്കുന്നത്. ആശുപത്രിയുടെ ഒന്നാം നിലയിലായിരുന്നു തീപിടുത്തമെന്ന് അധികൃതർ അറിയിച്ചു. കോവിഡ് രോഗികളാരും ആശുപത്രിയിൽ ചികിത്സയിലുണ്ടായിരുന്നില്ല.
Read more
അപകടത്തിൽ മരിച്ചവരുടെ കുടുംബാംഗങ്ങൾക്ക് അഞ്ച് ലക്ഷം രൂപ നഷ്ടപരിഹാരം നൽകുമെന്ന് മഹാരാഷ്ട്ര സർക്കാർ അറിയിച്ചു. പരിക്കേറ്റവർക്ക് ഒരു ലക്ഷം വീതവും നൽകും.
