ഡൽഹി- ഹരിയാന അതിർത്തിയിലെ കർഷക സമരവേദിക്ക് സമീപം അമിത വേഗത്തില്‍ എത്തിയ ട്രക്ക് ഡിവൈഡറിന് മുകളിലൂടെ പാഞ്ഞുകയറി വന്ന് ഇടിച്ചതിനെ തുടർന്ന് മൂന്ന് കർഷക വനിതകൾ മരിച്ചു. സ്ത്രീകൾ ഡിവൈഡറിൽ ഓട്ടോറിക്ഷ കാത്തിരിക്കുകയായിരുന്നു, ഈ സമയത്താണ് ട്രക്ക് ഇടിച്ചത്.
അപകടസ്ഥലത്ത് നിന്ന് ട്രക്ക് ഡ്രൈവർ ഓടി രക്ഷപ്പെട്ടതായി പൊലീസ് പറഞ്ഞു. രണ്ട് സ്ത്രീകൾ സംഭവസ്ഥലത്തും ഒരാൾ ആശുപത്രിയിൽ വെച്ചുമാണ് മരിച്ചതെന്ന് പൊലീസ് അറിയിച്ചു.
പഞ്ചാബിലെ മൻസ ജില്ലയിൽ നിന്നുള്ളവരാണ് സ്ത്രീളെന്നാണ് പ്രാഥമിക റിപ്പോർട്ട്.
Read more
വിവാദമായ മൂന്ന് കാർഷിക നിയമങ്ങൾ പിൻവലിക്കണമെന്ന് ആവശ്യപ്പെട്ട് പഞ്ചാബ്, ഹരിയാന എന്നിവിടങ്ങളിൽ നിന്നുള്ള കർഷകർ 11 മാസത്തോളമായി സമരത്തിൽ ഇരിക്കുന്ന ഡൽഹിയുടെ അതിർത്തിയിലെ തിക്രി അതിർത്തിക്ക് സമീപമാണ് അപകടമുണ്ടായത്.
