2025ലെ ചാമ്പ്യൻസ് ട്രോഫിയിലൂടെ ഇന്ത്യൻ ക്യാപ്റ്റൻ രോഹിത് ശർമ തൻ്റെ അവസാന ഐസിസി ഇവൻ്റ് കളിച്ചേക്കുമെന്ന് മുൻ ക്രിക്കറ്റ് താരം സുരേഷ് റെയ്ന പ്രവചിച്ചു. ശേഷം അടുത്ത ഐസിസി ടൂർണമെന്റ് അതായത് 2027 ടി 20 ലോകകപ്പ് നടക്കുമ്പോൾ രോഹിത് അതിൽ കളിച്ചേക്കില്ല എന്നും റെയ്ന പറഞ്ഞു.
ഇന്ത്യയെ ചാമ്പ്യൻസ് ട്രോഫി കിരീടത്തിലേക്ക് നയിച്ചാൽ രോഹിത്തിന് നാല് ഐസിസി ട്രോഫികൾ നേടാനുള്ള സുവർണാവസരമുണ്ടെന്ന് 38 റെയ്ന ചൂണ്ടിക്കാട്ടി. കഴിഞ്ഞ വർഷം 2024 ലെ ടി20 ലോകകപ്പ് കിരീടത്തിലേക്ക് അദ്ദേഹം ടീമിനെ നയിച്ചിരുന്നു. രോഹിതിൻ്റെ പ്രകടനം ഐസിസി ഇവന്റിൽ ഇന്ത്യയെ സംബന്ധിച്ചിടത്തോളം നിർണായകമാകുമെന്ന് കമൻ്റേറ്റർ കൂട്ടിച്ചേർത്തു. അവസാന മൂന്ന് ടെസ്റ്റ് പരമ്പരകളിൽ രോഹിതിൻ്റെ ബാറ്റിംഗിൻ്റെ മോശം ഫോമിൻ്റെ പശ്ചാത്തലത്തിലാണ് പരാമർശം.
സുരേഷ് റെയ്ന സ്റ്റാർ സ്‌പോർട്‌സ് ഷോ ‘ഗെയിം പ്ലാനി’ൽ ഇങ്ങനെ പറഞ്ഞു (മിഡ്-ഡേ വഴി):
“ക്യാപ്റ്റനെന്ന നിലയിൽ ഇത് അദ്ദേഹത്തിൻ്റെ അവസാന ഐസിസി ട്രോഫിയായിരിക്കാം. താരമെന്ന നിലയിലും ഇനി ഒരു അവസരം ഇല്ല വിജയിച്ചാൽ നാല് ഐസിസി ട്രോഫികൾ നേടുന്ന ആദ്യ ഇന്ത്യൻ കളിക്കാരനാകും. അദ്ദേഹം ഇതിനകം ടി20 ലോകകപ്പ് നേടിയിട്ടുണ്ട്, ചാമ്പ്യൻസ് ട്രോഫി ഉറപ്പാക്കുന്നത് ശ്രദ്ധേയമായ നേട്ടമായിരിക്കും. റൺസ് നേടുന്നത് അദ്ദേഹത്തിന് നിർണായകമാകും.”
“രോഹിത് ശർമ്മ ഒരു ആക്രമണാത്മക ക്യാപ്റ്റനാണ്. തൻ്റെ ബൗളർമാരെ ഉപയോഗപ്പെടുത്തുന്ന രീതി പ്രശംസനീയമാണ് – നിർണായക നിമിഷങ്ങളിൽ മുഹമ്മദ് ഷമിയെ ടീമിലെത്തിക്കുകയും സ്പിന്നര്മാരെ വിക്കറ്റ് വേട്ടക്ക് ആശ്രയിക്കുന്ന ശൈലിയാണ് അദ്ദേഹം അവതരിപ്പിച്ചിരിക്കുന്നത്. രോഹിത് റൺസ് നേടുമ്പോൾ അത് അദ്ദേഹത്തിൻ്റെ ക്യാപ്റ്റൻസിയിലും പ്രതിഫലിക്കുന്നു.”
2023 ഏകദിന ലോകകപ്പിൽ വിരാട് കോഹ്‌ലിക്ക് ശേഷം ഏറ്റവും കൂടുതൽ റൺസ് നേടുന്ന രണ്ടാമത്തെ താരമായിരുന്നു രോഹിത് ശർമ്മ.
Read more
