ഐസിസി ചാമ്പ്യന്‍സ് ട്രോഫി 2025ന് പാകിസ്ഥാനാണ് അതിഥേയത്വം വഹിക്കുന്നത്. എന്നിരുന്നാലും, ഷോപീസ് ഇവന്റില്‍ ഇന്ത്യയുടെ പങ്കാളിത്തം ബിസിസിഐ ഇതുവരെ സ്ഥിരീകരിക്കാത്തതിനാല്‍ ടൂര്‍ണമെന്റിനെ ചുറ്റിപ്പറ്റി വലിയ അനിശ്ചിതത്വങ്ങളുണ്ട്. ഇരു രാജ്യങ്ങളും തമ്മിലുള്ള കലങ്ങിമറിഞ്ഞ രാഷ്ട്രീയ ബന്ധം രണ്ട് രാജ്യങ്ങളിലെ ക്രിക്കറ്റിനെ ബാധിച്ചു. 2008ലെ ഏഷ്യാ കപ്പിന് ശേഷം ഇന്ത്യ പാക്കിസ്ഥാനില്‍ പര്യടനം നടത്തിയിട്ടില്ല. ഈ സാഹചര്യത്തില്‍ വിരാട് കോഹ്ലി പാകിസ്ഥാനില്‍ കളിക്കണമെന്ന തന്റെ ആഗ്രഹം തുറഞ്ഞുപറഞ്ഞിരിക്കുകയാണ് പാകിസ്ഥാന് മുന്‍ താരം യൂനിസ് ഖാന്‍.
വിരാട് കോഹ്ലിക്ക് ഇനി പാകിസ്ഥാനില്‍ മാത്രമേ കളിക്കാനും പ്രകടനം നടത്താനും ബാക്കിയുള്ളൂവെന്ന് യൂനിസ് ഖാന്‍ പറഞ്ഞു. 2006ല്‍ അണ്ടര്‍ 19 ടീമിനൊപ്പം പാകിസ്ഥാന് പര്യടനം നടത്തിയ വിരാട് കോഹ്ലി സീനിയര്‍ ടീമിനൊപ്പം അവിടെ കളിച്ചിട്ടില്ല. വിരാട് കോഹ്ലിക്ക് പാകിസ്ഥാനിലെ ക്രേസ് ഇന്ത്യയേക്കാള്‍ കുറവല്ല.
‘2025ലെ ചാമ്പ്യന്‍സ് ട്രോഫിക്കായി വിരാട് കോഹ്ലി പാകിസ്ഥാനില്‍ വരണം, അത് ഞങ്ങളുടെയും ആഗ്രഹമാണ്. പാകിസ്ഥാന് പര്യടനം നടത്തി പാകിസ്ഥാനില്‍ പ്രകടനം നടത്തുക എന്നത് മാത്രമാണ് കോഹ്ലിയുടെ കരിയറില്‍ അവശേഷിക്കുന്നത്,’ യൂനിസ് ഖാന്‍ പറഞ്ഞു.
2023 ലെ ഏഷ്യാ കപ്പിന് പാകിസ്ഥാന് ആതിഥേയത്വം വഹിക്കാന്‍ തയ്യാറായിരുന്നു. എന്നിരുന്നാലും, ടീം ഇന്ത്യയെ പാകിസ്ഥാനിലേക്ക് അയക്കാന്‍ ബിസിസിഐ വിസമ്മതിച്ചതിനാല്‍ ടൂര്‍ണമെന്റ് ഒരു ഹൈബ്രിഡ് മോഡലിലാണ് നടന്നത്. പാകിസ്ഥാനില്‍ കുറച്ച് മത്സരങ്ങളും ഇന്ത്യയുടെ മത്സരങ്ങളും സെമിഫൈനലും ഫൈനലിനും ശ്രീലങ്കയാണ് ആതിഥേയത്വം വഹിച്ചത്.
അതേസമയം, ഐസിസി ചാമ്പ്യന്‍സ് ട്രോഫിക്കായി ഐസിസി പിസിബിക്ക് ഫണ്ട് അനുവദിച്ചു. എന്നിരുന്നാലും, ഇന്ത്യയുടെ മത്സരങ്ങള്‍ പാകിസ്ഥാന് പുറത്ത് കളിക്കാന്‍ അപെക്‌സ് ബോഡി പിസിബിക്ക് അനുബന്ധ ഫണ്ടുകളും അനുവദിച്ചിട്ടുണ്ടെന്ന് ചില റിപ്പോര്‍ട്ടുകള്‍ അവകാശപ്പെടുന്നു. ഇത് സംബന്ധിച്ച ഔദ്യോഗിക അപ്ഡേറ്റ് കാത്തിരിക്കുകയാണ്.
Read more
