ലോകത്തിലെ ഏറ്റവും മികച്ച ഫിനീഷറാകണമെന്നാണ് തന്റെ ആഗ്രഹമെന്ന് ഓസീസ് താരം മാര്‍ക്കസ് സ്റ്റോയിനിസ്. ഐ.പി.എല്‍, ടി20 ലോക കപ്പ് വിശേഷങ്ങള്‍ പങ്കുവെയ്ക്കവെയാണ് തന്റെ ആഗ്രഹം താരം പരസ്യമാക്കിയത്. മികച്ച പ്രകടനം കാഴ്ചവെയ്ക്കാന്‍ താന്‍ തയ്യാറായി കഴിഞ്ഞെന്ന് താരം പറഞ്ഞു.
‘അടുത്ത മൂന്ന് വര്‍ഷത്തിനുള്ളില്‍ എനിക്ക് ഓസ്‌ട്രേലിയയിലെ മാത്രമല്ല ലോകത്തിലെ ഏറ്റവും മികച്ച ഫിനീഷറാകണമെന്നാണ് ആഗ്രഹം. അങ്ങനെയാണ് ഞാന്‍ എന്നെത്തന്നെ ഒരുക്കിയിരിക്കുന്നത്. അതിനായി ഡല്‍ഹിക്കൊപ്പവും ലോക കപ്പിലും ഒരു മികച്ച അവസരം എനിക്ക് ലഭിച്ചു’ സ്റ്റോയിനിസ് പറഞ്ഞു.
Read more
ഡല്‍ഹി ക്യാപിറ്റല്‍സിനൊപ്പം ഐപിഎല്‍ നേടുകയാണ് താനിപ്പോള്‍ ലക്ഷ്യമിടുന്നതെന്നും താരം പറഞ്ഞു. ‘മറ്റുള്ളവരെ പുറകിലായി ടൂര്‍ണമെന്റില്‍ മുന്നേറുക എന്നതാണ് ഞങ്ങള്‍ക്ക് പ്രധാനം. ഞങ്ങള്‍ക്ക് നഷ്ടപ്പെടാന്‍ ഒന്നുമില്ലെന്ന മട്ടില്‍ കളിക്കാന്‍ നോക്കുക. ഞങ്ങളുടെ ടീമില്‍ ധാരാളം നല്ല കളിക്കാര്‍ ഉണ്ട്. അതിനാല്‍ മികച്ച പ്രകടനം ഇല്ലാതിരിക്കുക എളുപ്പമല്ല’ സ്റ്റോയിനിസ് പറഞ്ഞു.
