അപ്രതീക്ഷിത വിസ സങ്കീര്ണതകള് കാരണം സ്പിന്നര് ഷൊയ്ബ് ബഷീറിനെ ഇന്ത്യക്കെതിരായ ആദ്യ ടെസ്റ്റില് നിന്ന് ഒഴിവാക്കേണ്ടി വന്നതില് അസ്വസ്തത പരസ്യമാക്കി ഇംഗ്ലണ്ട് നായകന് ബെന് സ്റ്റോക്സ്. പാകിസ്ഥാന് പൈതൃകത്തില് നിന്നുള്ള ബഷീറിന് വിസ അപേക്ഷയില് കാലതാമസം നേരിട്ടതിനാല് ഹൈദരാബാദില് സ്ക്വാഡിനൊപ്പം കൃത്യസമയത്ത് എത്താന് താരത്തിനായില്ല. ഇതേ തുടര്ന്ന് അബുദാബി പരിശീലന ക്യാമ്പില് നിന്ന് നാട്ടിലേക്ക് മടങ്ങാന് അദ്ദേഹം നിര്ബന്ധിതനായി.
ഏറെ അസ്വസ്ഥനാക്കുന്ന വാര്ത്തയാണിത്. ഡിസംബര് മധ്യേ നമ്മള് സ്ക്വാഡ് പ്രഖ്യാപിച്ചതാണ്. എന്നാലിപ്പോള് ഷൊയ്ബ ബഷീര് വിസ പ്രശ്നം നേരിടുന്നു. ഇംഗ്ലണ്ട് ടെസ്റ്റ് ടീമിനൊപ്പമുള്ള ആദ്യ അവസരത്തില് തന്നെ ഒരു യുവതാരം ഈ ബുദ്ധിമുട്ട് നേരിടുന്നത് ക്യാപ്റ്റന് എന്ന നിലയ്ക്ക് എന്നെ കൂടുതല് അസ്വസ്തനാക്കുന്നു. ഇന്ത്യന് വിസ പ്രശ്നം നേരിടുന്ന ആദ്യ താരമല്ല ഷൊയൈബ് ബഷീര്. ഞാന് മുമ്പ് ഒപ്പം കളിച്ച പല താരങ്ങളും സമാന പ്രശ്നം നേരിട്ടുണ്ട്- സ്റ്റോക് കൂട്ടിച്ചേര്ത്തു.
പാകിസ്ഥാന് പാരമ്പര്യമുള്ളതിനെ തുടര്ന്ന് വിസ നിഷേധിക്കപ്പെട്ട ആദ്യ താരമല്ല ഷൊയ്ബ്. മൊയിന് അലി, സാഖിബ് മഹ്മൂദ്, ഉസ്മാന് ഖവാജ എന്നിവര്ക്ക് ഇന്ത്യയില് കളിക്കാന് ഇതേ പ്രശ്നങ്ങളിലൂടെ കടന്നുപോകേണ്ടിവന്നിട്ടുണ്ട്.
Read more
വെറും ആറ് ഫസ്റ്റ് ക്ലാസ് മത്സരം കളിച്ച് പരിചയമുള്ള ഷൊയ്ബ് ബഷീറിനെ വളരെ അപ്രതീക്ഷിതമായാണ് ഇംഗ്ലണ്ട് ഇന്ത്യയ്ക്കെതിരായ ടെസ്റ്റ് പരമ്പരയ്ക്കുള്ള ടീമിലേക്ക് ക്ഷണിച്ചത്.