ചാമ്പ്യന്‍സ് ട്രോഫിയിലെ ബദ്ധവൈരികളുടെ പോരാട്ടത്തില്‍ ഇന്ത്യയ്ക്കെതിരെ പാകിസ്ഥാന് ബാറ്റ് ചെയ്യുന്നു. താളം തെറ്റിയ ഇന്ത്യന്‍ ബോളിംഗ് ആണ് ആ ഓവറില്‍ കാണാനായത്. ഇന്ത്യന്‍ ബോളിംഗ് ആക്രമണം തുറന്ന മുഹമ്മദ് ഷമി ആദ്യ ഓവറില്‍ അഞ്ച് വൈഡ് ബോളാണ് എറിഞ്ഞത് (0 Wd 0 Wd Wd 0 1 0 Wd Wd 0). 11 ബോള്‍ എറിഞ്ഞാണ് ഷമി ആദ്യ ഓവര്‍ പൂര്‍ത്തിയാക്കിയത്. അതേസമയം തന്റെ രണ്ടാം ഓവറില്‍ ഷമി ശക്തമായി തിരിച്ചെത്തി.
മത്സരത്തില്‍ ഇന്ത്യയ്ക്കെതിരെ ടോസ് നേടിയ പാക് നായകന്‍ മുഹമ്മദ് റിസ്വാന്‍ ബാറ്റിംഗ് തിരഞ്ഞെടുക്കുകയായിരുന്നു. ദുബായ് അന്താരാഷ്ട്ര സ്റ്റേഡിയത്തിലാണ് ബദ്ധവൈരികള്‍ മുഖാമുഖം വരുന്നത്. ഈ വര്‍ഷം ഇരുടീമും ആദ്യമായി നേര്‍ക്കുനേര്‍ വരുന്ന മല്‍സരം കൂടിയാണിത്. അവസാനം ഇരുവരും നേര്‍ക്കുനേര്‍ വന്നപ്പോള്‍ ഇന്ത്യയ്ക്കായിരുന്നു വിജയം. ടി20 ലോകകപ്പിലായിരുന്നു അത്.
മത്സരത്തില്‍ ബംഗ്ലാദേശിനെതിരെ കളിച്ച അതേ ടീമുമായി ഇന്ത്യ ഇറങ്ങുമ്പോള്‍, പാകിസ്ഥാന് ടീമില്‍ ഒരു മാറ്റം വരുത്തിയിട്ടുണ്ട്. ഫഖര്‍ പുറത്തായപ്പോള്‍ ഇമാം ഉള്‍ ഹഖ് ടീമിലിടം പിടിച്ചു.
ഇന്ത്യ പ്ലേയിംഗ് ഇലവന്‍: രോഹിത് ശര്‍മ (സി), ശുഭ്മാന്‍ ഗില്‍, വിരാട് കോഹ്ലി, ശ്രേയസ് അയ്യര്‍, അക്‌സര്‍ പട്ടേല്‍, കെ എല്‍ രാഹുല്‍ , ഹാര്‍ദിക് പാണ്ഡ്യ, രവീന്ദ്ര ജഡേജ, ഹര്‍ഷിത് റാണ, മുഹമ്മദ് ഷമി, കുല്‍ദീപ് യാദവ്.
പാകിസ്ഥാന് പ്ലേയിംഗ് ഇലവന്‍: ഇമാം ഉള്‍ ഹഖ്, ബാബര്‍ അസം, സൗദ് ഷക്കീല്‍, മുഹമ്മദ് റിസ്വാന്‍ (w/c), സല്‍മാന്‍ ആഘ, തയ്യബ് താഹിര്‍, ഖുഷ്ദില്‍ ഷാ, ഷഹീന്‍ അഫ്രീദി, നസീം ഷാ, ഹാരിസ് റൗഫ്, അബ്രാര്‍ അഹമ്മദ്.
