ക്രിക്കറ്റ് ദൈവമായ സാക്ഷാൽ സച്ചിൻ ടെണ്ടുൽക്കറും മുൻ സഹതാരവുമായി വിനോദ് കാംബ്ലിയും കണ്ടു മുട്ടിയ വീഡിയോ ആണ് ഇപ്പോൾ സമൂഹ മാധ്യമങ്ങളിൽ വൈറൽ ആയിരിക്കുന്നത്. ഇവരുടെ ആദ്യകാല പരിശീലകനായ രമാകാന്ത് അച്‍രേക്കറുടെ സ്മരണയ്ക്കായി നടത്തിയ പരിപാടിയിലാണ് ഇരുവരും വീണ്ടും സൗഹൃദം പങ്ക് വെച്ചത്.
വേദിയിൽ കാംബ്ലി വന്നു ഇരുന്നപ്പോൾ അത് കണ്ട സച്ചിൻ ഉടൻ തന്നെ കാംബ്ലിയുടെ അടുത്തേക്ക് ചെന്ന് സംസാരിക്കുകയായിരുന്നു. സച്ചിനെ കണ്ടതും അദ്ദേഹത്തിന്റെ കൈ മുറുകെ പിടിച്ചായിരുന്നു വിനോദ് കാംബ്ലി സംസാരിച്ചിരുന്നത്. ഒരുപാട് നേരം അദ്ദേഹം സച്ചിന്റെ കൈ പിടിച്ചിരുന്നു. സച്ചിൻ പോകാനായി ശ്രമിക്കുമ്പോഴും വിനോദ് കാംബ്ലി തന്റെ സുഹൃത്തിനെ പിടിച്ചുനിർത്താൻ ശ്രമിച്ചു. ഒടുവിൽ പരിപാടിയുടെ സംഘാടകരിലൊരാൾ എത്തിയാണ് സച്ചിനെ കൂട്ടികൊണ്ട് പോയത്.
ഒരു കാലത്ത് ഇന്ത്യൻ ക്രിക്കറ്റിന്റെ ഭാവി താരങ്ങളായിട്ടാണ് ആരാധകർ സച്ചിനെയും കാംബ്ലിയെയും കണ്ടിരുന്നത്. തന്റെ കരിയറിന്റെ ആദ്യ രണ്ട് മത്സരങ്ങൾ കാംബ്ലി തുടർച്ചയായി സെഞ്ചുറികൾ നേടിരുന്നു. പിന്നീട് സ്ഥിരതയാർന്ന പ്രകടനം കാഴ്ചവെക്കുന്നതിൽ നിന്ന് താരം പരാജയപ്പെടുകയായിരുന്നു. അതിലൂടെ ഇന്ത്യൻ ടീമിൽ നിന്നും അദ്ദേഹം പുറത്തായി. ഇന്ത്യക്ക് വേണ്ടി 104 ഏകദിനങ്ങളും 17 മത്സരങ്ങളും അദ്ദേഹം കളിച്ചിട്ടുണ്ട്. 2004 ഇത് ആണ് അദ്ദേഹം തന്റെ വിരമിക്കൽ പ്രഖ്യാപനം നടത്തുന്നത്.
