ഇന്ത്യന്‍ ടീമിലേക്ക് തന്നെ പരിഗണിക്കണമെന്ന ആവശ്യവുമായി ജയദേവ് ഉനദ്കട്ട്. ട്വിറ്ററിലൂടെയാണ് ഉനദ്കട്ട് ഇക്കാര്യം ആവശ്യപ്പെട്ടത്. ടെസ്റ്റില്‍ തനിക്ക് ഒരവസരം കൂടി തരണമെന്നാണ് താരത്തിന്റെ അഭ്യര്‍ത്ഥന.
‘പ്രിയപ്പെട്ട റെഡ് ബോള്‍, ദയവായി എനിക്ക് ഒരു അവസരം കൂടി തരൂ. ഞാന്‍ നിങ്ങള്‍ക്ക് അഭിമാനിക്കാന്‍ വക നല്‍കും, എന്റെ വാഗ്ദാനമാണ്’. ഉനദ്കട്ട് ട്വീറ്ററില്‍ കുറിച്ചു.
Dear red ball, please give me one more chance.. I’ll make you proud, promise! pic.twitter.com/ThPUOpRlyR
— Jaydev Unadkat (@JUnadkat) January 4, 2022
ഇന്ത്യയ്ക്കായി ഒരു ടെസ്റ്റ് മത്സരം മാത്രം കളിച്ചിട്ടുള്ള താരമാണ് ഉനദ്കട്ട്. 2010ലെ ഇന്ത്യയുടെ ദക്ഷിണാഫ്രിക്കന്‍ പര്യടനത്തിലായിരുന്നു ഉനദ്കട്ടിന് തന്റെ കരിയറിലെ ഏക ടെസ്റ്റ് മത്സരം കളിച്ചത്. എന്നാല്‍ പിന്നീടൊരിക്കലും താരത്തെ ഇന്ത്യ ടെസ്റ്റ് ടീമിലേക്ക് പരിഗണിച്ചിട്ടില്ല.
Read more
ഐപിഎല്ലില്‍ അത്ര മികച്ച പ്രകടനമല്ലെങ്കിലും ആഭ്യന്തര ക്രിക്കറ്റില്‍ മികച്ച റെക്കോഡാണ് താരത്തിനുള്ളത്. 2019ല്‍ നടന്ന നടന്ന രഞ്ജി ട്രോഫിയില്‍ ജയദേവ് ഉനദ്കട്ട് സൗരാഷ്ട്രയ്ക്ക് വേണ്ടി മികച്ച ബോളിംഗ് നടത്തുക മാത്രമല്ല, അവരെ മികച്ച രീതിയില്‍ നയിക്കുകയും ചെയ്തിരുന്നു.
