ഓസ്‌ട്രേലിയയ്‌ക്കെതിരായ സിഡ്‌നി ടെസ്റ്റിന് ശേഷം രോഹിത് ശർമ്മ സ്ഥാനമൊഴിഞ്ഞാൽ ഇന്ത്യൻ ടെസ്റ്റ് ടീമിൻ്റെ താൽക്കാലിക ക്യാപ്റ്റനാകാൻ മുതിർന്ന താരം സന്നദ്ധത അറിയിച്ചതായി റിപ്പോർട്ട്. രോഹിത് ശർമ്മയുടെ പിൻഗാമിയായി ജസ്പ്രീത് ബുമ്രയെക്കുറിച്ചുള്ള റിപ്പോർട്ടുകൾക്കിടയിൽ, സ്വയം ‘മിസ്റ്റർ ഫിക്സ് ഇറ്റ്’ എന്ന് വിളിക്കുന്ന ഈ മുതിർന്ന താരമാണ് രംഗത്ത് വന്നത്. ഇന്ത്യൻ എക്സ്പ്രസ് റിപ്പോർട്ട് ചെയ്തതുപോലെ, ടീമിനുള്ളിലെ ഫിക്സ്-ഇറ്റ്, ടീമിനെ നയിക്കാനുള്ള സന്നദ്ധത ഇതിനകം പ്രകടിപ്പിച്ചിട്ടുണ്ട്.
രോഹിത് കഴിഞ്ഞാൽ ടീമിലെ ഏറ്റവും മുതിർന്ന താരങ്ങൾ വിരാട് കോലി, രവീന്ദ്ര ജഡേജ, കെ എൽ രാഹുൽ എന്നിവരാണ്. നായകസ്ഥാനം ഏറ്റെടുക്കാൻ സന്നദ്ധത പ്രകടിപ്പിച്ച ഈ സീനിയർ താരം കോഹ്‌ലിയാണെന്ന് അഭ്യൂഹമുണ്ട്. ഈ റോളിലേക്ക് പരിഗണിക്കപ്പെടുന്ന ചില യുവ കളിക്കാരുടെ കഴിവുകളെക്കുറിച്ച് ഈ മുതിർന്ന താരം സംശയം പ്രകടിപ്പിക്കുകയും അവർ തയ്യാറാകുന്നതുവരെ ടീമിനെ നയിക്കാൻ വാഗ്ദാനം ചെയ്യുകയും ചെയ്തു.
രോഹിതിൻ്റെ 2024 ടെസ്റ്റ് ക്രിക്കറ്റ് കാമ്പെയ്ൻ രണ്ട് തീവ്രതകളുടെ കഥയാണ്. ഇംഗ്ലണ്ട് പരമ്പരയിൽ രോഹിത് 455 റൺസ് നേടിയതോടെയാണ് വർഷം ആരംഭിച്ചത്. എന്നാൽ വര്ഷാവസാനത്തിലേക്ക് വരുമ്പോൾ അദ്ദേഹത്തിൻ്റെ ഫോം പിന്നീട് കുത്തനെ താഴോട്ട് പോയി.
Read more
