ജൂൺ 24 വെള്ളിയാഴ്ച കൊളംബോയിലെ ആർ പ്രേമദാസ സ്റ്റേഡിയത്തിൽ നടന്ന അഞ്ചാം ഏകദിനത്തിന് ശേഷം ശ്രീലങ്കൻ കാണികൾ ഓസ്‌ട്രേലിയൻ ക്രിക്കറ്റ് ടീമിന് ഉജ്ജ്വല സ്വീകരണം നൽകി. അഞ്ച് മത്സരങ്ങളുടെ പരമ്പരയിലെ അവസാന മത്സരത്തിൽ ഓസ്‌ട്രേലിയയാണ് വിജയിച്ചത്. എങ്കിലും മത്സരം അവസാനിച്ച ശേഷം ശ്രീലങ്കൻ കാണികൾ ഓസ്‌ട്രേലിയൻ ടീമിന് നന്ദി പറഞ്ഞു. അവർക്കായി കൈയടിച്ച് ആദരം കാണിച്ചു,
സ്റ്റേഡിയത്തിനകത്ത് ധാരാളം ആളുകൾ മഞ്ഞ ടീ-ഷർട്ടുകൾ ധരിക്കുകയും “നന്ദി, ഓസ്‌ട്രേലിയ” എന്നെഴുതിയ പ്ലക്കാർഡുകളുമായി അണിനിരക്കുകയും ചെയ്തു. ശ്രീലങ്കൻ ആരാധകരുടെ ഈ പ്രവർത്തി വളരെ വേഗം സോഷ്യൽ മീഡിയയിൽ വൈറലാവുകയും ചെയ്തു.
ബുദ്ധിമുട്ടേറിയ സാഹചര്യത്തിൽ തങ്ങളുടെ ഉള്ളിൽ ക്രിക്കറ്റ് സന്തോഷം നിറക്കാൻ കാരണമായ ഓസ്‌ട്രേലിയൻ ടീമിന് നന്ദി അറിയിക്കുക വഴി ആരാധകരുടെ ഈ പ്രവർത്തിക്കു വലിയ അഭിനന്ദനമാണ് ലഭിക്കുന്നത്.
ആദ്യ ടി20 മത്സരം തോറ്റ ലങ്കൻ ടീം മനോഹരമായി തിരിച്ചുവന്ന് പരമ്പര സ്വന്തമാക്കുക ആയിരുന്നു. ഇനി ഒരിക്കലും തിരിച്ചുവരില്ല എന്നുപറഞ്ഞ ശ്രീലങ്കൻ ക്രിക്കറ്റ് വിമർശകർക്കിടയിലൂടെ ഗംഭീര തിരിച്ചുവരവാണ് ഇപ്പോൾ നടത്തുന്നത്.
Hard to recall a visiting team getting a reception quite like the Aussies have today. Sensational stuff 🇱🇰 #SLvAUS pic.twitter.com/9fcn6AJ6Jj
— Louis Cameron (@LouisDBCameron) June 24, 2022
Read more
