ഐസിസി ടി20 ലോകകപ്പ് 2024ൽ ഏറെ പ്രതീക്ഷയോടെ കാത്തിരിക്കുന്ന ഇന്ത്യയും പാക്കിസ്ഥാനും തമ്മിലുള്ള മത്സരം ഇന്ന് ന്യൂയോർക്കിലെ നാസൗ കൗണ്ടി ഇന്റർനാഷണൽ ക്രിക്കറ്റ് സ്റ്റേഡിയത്തിൽ നടക്കും. സൂപ്പർ ഓവറിൽ യുണൈറ്റഡ് സ്റ്റേറ്റ്സ് ഓഫ് അമേരിക്കയോട് തോറ്റതോടെ മെൻ ഇൻ ഗ്രീൻ സമ്മർദ്ദത്തിലാണ്.
മറുവശത്ത്, ന്യൂയോർക്ക് പിച്ചിൽ ഇന്ത്യ അയർലൻഡിനെതിരെ 8 വിക്കറ്റിന്റെ ജയം നേടി ആത്മവിശ്വാസത്തിലാണ്. രോഹിത് ശർമ്മ അർദ്ധ സെഞ്ച്വറി നേടിയ മത്സരത്തിൽ ഋഷഭ് പന്തും മികച്ച പ്രകടനമാണ് നടത്തിയത്. ഹാർദിക് പാണ്ഡ്യ, ജസ്പ്രീത് ബുംറ, മുഹമ്മദ് സിറാജ്, അർഷ്ദീപ് സിംഗ് എന്നിവർ വിക്കറ്റ് വീഴ്ത്തി ബോളിംഗിലും മികച്ചുനിന്നു.
അതേസമയം ആരാധകർ കാത്തിരിക്കുന്ന ഇന്ത്യ- പാകിസ്ഥാൻ മത്സരത്തെ കുറിച്ച് ആശങ്കപ്പെടുത്തുന്ന വാർത്തകൾ ആണ് ഇപ്പോൾ പുറത്തുവരുന്നത്. ഇന്ത്യ-പാക് മത്സരത്തിന് കരിനിഴൽ വീഴ്ത്തി മഴ ആശങ്കയാണ് പരക്കുന്നത്. നിലവിൽ ന്യൂയോർക്കിൽ മഴപെയ്യാൻ സാധ്യതയുണ്ടെന്നാണ് കാലാവസ്ഥ പ്രവചനം.
ഇന്ന് മത്സരത്തിനിടയിൽ മഴ പെയ്യാനുള്ള സാധ്യതകൾ വളരെ കൂടുതലാണ്. 51 ശതമാനമാണ് ഇന്ന് മഴ പെയ്യാനുള്ള സാധ്യത. മത്സരം എങ്ങനെ എങ്കിലും നടക്കാൻ സംഘാടകർ സമയം നീട്ടുമെങ്കിലും പരിധി കഴിഞ്ഞാൽ മത്സരം ഉപേക്ഷിക്കുന്ന സ്ഥിതിയിൽ എത്തും കാര്യങ്ങൾ.
Read more
എന്തായാലും ഇന്ത്യക്ക് മത്സരം ഉപേക്ഷിച്ചാലും അത് ബാധിക്കില്ല. അതെ സ്ഥാനത്ത് ആദ്യ മത്സരത്തിൽ തോറ്റ പാക്കിസ്ഥാന് ഈ മത്സരം ഉപേക്ഷിച്ചാൽ അത് പണിയാകും.
