ഇന്ത്യൻ ടീമിൽ രോഹിത്ത് ശർമ്മയ്ക്ക് ശേഷം ഏറ്റവും മികച്ച വെടിക്കെട്ട് ബാറ്റ്സ്മാൻ എന്ന പേര് ഇനി സഞ്ജു സാംസണിന് സ്വന്തം. ഇപ്പോൾ നടക്കുന്ന സൗത്ത് ആഫ്രിക്കൻ പര്യടനത്തിലെ ആദ്യ ടി-20 മത്സരത്തിൽ സഞ്ജു (26 പന്തിൽ 50* റൺസ്) തകർപ്പൻ അർദ്ധ സെഞ്ച്വറി നേടിയിരിക്കുകയാണ്. ഇതോടെ ടീമിലെ സ്ഥിരം ഓപണർ സ്ഥാനം ഇനി മലയാളി താരത്തിന് സ്വന്തം.
ഓപണിംഗിൽ ഇറങ്ങിയ സഞ്ജു, അഭിഷേക്ക് ശർമ്മയോടൊപ്പം മികച്ച തുടക്കത്തിന് ശ്രമിച്ചെങ്കിലും അഭിഷേക് 8 പന്തിൽ ഒരു ഫോർ അടക്കം 7 റൺസിന് പുറത്തായി. ഇപ്പോൾ സഞ്ജുവിന്റൊപ്പം ക്രീസിൽ നില്കുന്നത് സൂര്യ കുമാർ യാദവ് (15 പന്തിൽ 20 റൺസ്) ആണ്.
Read more
സഞ്ജുവിന്റെ വരവോടെ വിക്കറ്റ് കീപ്പറായി റിഷബ് പന്തിനെ ടി-20 ഫോർമാറ്റിലേക്ക് തിരികെ വിളിക്കാനുള്ള സാധ്യത കുറവാണ്. ക്ലാസ് ഷോട്ടുകൾക്കും ആക്രമണ ഷോട്ടുകൾക്കും ഒരേ പോലെ പ്രാധാന്യം കൊടുത്താണ് സഞ്ജു തന്റെ മികച്ച പ്രകടനം കാഴ്ച വെക്കുന്നത്.
