തുടർച്ചയായ മത്സരങ്ങളിൽ ഗോൾ നേടുന്നതിൽ പരാചയപെട്ടതിന് ശേഷം ക്രിസ്റ്റ്യാനോ റൊണാൾഡോ അൽ-നാസറിനായി ചൊവ്വാഴ്ച രണ്ടാം ഗോൾ നേടി തന്റെ ഗംഭീരമായ തിരിച്ചു വരവ് നടത്തി. എഎഫ്‌സി ചാമ്പ്യൻസ് ലീഗ് എലൈറ്റിൽ സൗദി ക്ലബ് നിലവിലെ ചാമ്പ്യൻ യുണൈറ്റഡ് അറബ് എമിറേറ്റ്‌സിൻ്റെ അൽ-ഐനെ 5-1 ന് പരാജയപ്പെടുത്തി. റൊണാൾഡോയുടെ കരിയറിലെ 908-ാം ഗോൾ കൂടിയായിരുന്നു മത്സരത്തിൽ അരങ്ങേറിയത്.
പോർച്ചുഗീസ് സൂപ്പർതാരത്തിൻ്റെ ഗോൾ സ്‌കോറിംഗ് മികവ് നന്നായി രേഖപ്പെടുത്തപ്പെട്ടിട്ടുണ്ട്. പക്ഷേ കഴിഞ്ഞ കളിയിൽ അദ്ദേഹത്തിൻ്റെ പ്രതിരോധ പ്രവർത്തനനിരക്ക് ശരിക്കും ശ്രദ്ധ പിടിച്ചുപറ്റി. റൊണാൾഡോയ്ക്ക് പ്രായം ഒരു സംഖ്യ മാത്രമാണെന്നും അദ്ദേഹത്തിന് ടാങ്കിൽ ഇനിയും ഒരുപാട് ബാക്കിയുണ്ടെന്നും ഇത് കാണിച്ചു. നാല് മത്സരങ്ങളിൽ നിന്ന് 10 പോയിൻ്റുള്ള അൽ-നാസറിന് പ്രാദേശിക എതിരാളികളായ അൽ-ഹിലാൽ, അൽ-അഹ്‌ലി എന്നിവരെക്കാൾ രണ്ട് സ്ഥാനം പിന്നിലാണ്.
ഇരുവരും നാല് വിജയങ്ങളുമായി മികച്ച റെക്കോർഡുള്ളവരാണ്.
നേരത്തെ, സെപ്തംബറിൽ 900 കരിയർ ഗോളുകൾ തികയ്ക്കുന്ന ആദ്യ താരമായി റൊണാൾഡോ മാറിയിരുന്നു. തൻ്റെ കരിയറിലെ അവസാന ഘട്ടത്തിൽ എത്തിയിട്ടും, 39 കാരനായ അദ്ദേഹം ഗോളുകൾ നേടുന്നത് നിർത്തിയിട്ടില്ല. 900 ഗോൾ എന്ന കടമ്പ ഇതിനകം മറികടന്നതിനാൽ 1000 ഗോളിലെത്തുക എന്ന ലക്ഷ്യം എളുപ്പമായിരിക്കില്ല. എന്നാൽ ക്രിസ്റ്റ്യാനോ റൊണാൾഡോയ്ക്ക് അസാധ്യമായത് ചെയ്യാൻ കഴിയുമെന്ന് മുൻ പോർച്ചുഗീസ് താരം ജോർജ് ആന്ദ്രേഡ് വിശ്വസിക്കുന്നു.
Read more
“ക്രിസ്റ്റ്യാനോ റൊണാൾഡോയ്‌ക്കൊപ്പം അസാധ്യമായി ഒന്നുമില്ല. നമ്മൾ ഫുട്ബോൾ കണ്ടതുമുതൽ, 1000 ഗോളുകൾ എന്ന ആശയം നമ്മുടെ മഹാനായ പെലെയുമായി ബന്ധപ്പെട്ടിരിക്കുന്നു. എന്നാൽ ഇക്കാലത്ത്, റൊണാൾഡോയും ലയണൽ മെസ്സിയും മറ്റ് വിഗ്രഹങ്ങളായ ഡീഗോ മറഡോണയെയും പെലെയെയും മറികടക്കാൻ കഴിഞ്ഞു.
