ലോകത്തിലെ ഏറ്റവും മികച്ച ഫുട്ബോൾ താരമാണ് ക്രിസ്റ്റ്യാനോ റൊണാൾഡോ. നിലവിൽ അൽ നാസറിന് വേണ്ടി തകർപ്പൻ പ്രകടനമാണ് അദ്ദേഹം നടത്തുന്നത്. ഇന്ന് നടന്ന എഎഫ്‌സി ചാമ്പ്യന്‍സ് ലീഗില്‍ തന്റെ അരങ്ങേറ്റ ഗോള്‍ നേടാൻ താരത്തിന് സാധിച്ചിരുന്നു. അല്‍ റയ്യാനെതിരെ നടന്ന മത്സരത്തിലാണ് അദ്ദേഹം ഗോൾ നേടിയത്. ആ ഗോൾ അദ്ദേഹത്തിന്റെ പിതാവിനായി സമർപിക്കുന്നു എന്ന് മത്സരശേഷം റൊണാൾഡോ പറഞ്ഞിരുന്നു.
ക്രിസ്റ്റ്യാനോ റൊണാൾഡോ പറഞ്ഞത് ഇങ്ങനെ:
“ഇന്നത്തെ ഗോളിന് മറ്റൊരു പ്രത്യേകതയുണ്ട്. ആ ഗോള്‍ ഞാന്‍ എന്റെ അച്ഛന് വേണ്ടി സമര്‍പ്പിക്കുകയാണ്. അദ്ദേഹം ഇപ്പോള്‍ ജീവിച്ചിരുന്നെങ്കില്‍ എന്ന് ഞാന്‍ ആഗ്രഹിക്കുകയാണ്. കാരണം ഇന്ന് അദ്ദേഹത്തിന്റ ജന്മദിനമാണ്. എന്റെ ഉയർച്ചയിൽ ഞാൻ ഏറ്റവും കൂടുതൽ മിസ്സ് ചെയ്യുന്നത് അദ്ദേഹത്തെയാണ്” ക്രിസ്റ്റ്യാനോ റൊണാൾഡോ പറഞ്ഞു.
അല്‍ റയാനെതിരെ ഇന്ന് നടന്ന മത്സരത്തിൽ ഒന്നിനെതിരെ രണ്ട് ഗോളുകൾക്കാണ് അൽ നാസർ വിജയിച്ചിരിക്കുന്നത്. അല്‍ നസറിന് വേണ്ടി റൊണാള്‍ഡോയും സാദിയോ മാനെയും ഗോള്‍ നേടിയപ്പോള്‍ റോജര്‍ ഗുഡെസ് അല്‍ റയാന് വേണ്ടി ഗോൾ നേടി. ടൂർണമെന്റിലെ അൽ നാസറിന്റെ ആദ്യ വിജയമാണ് ഇത്.
