സ്വിറ്റ്സർലൻഡിനെതിരായ യൂറോ 2024 ക്വാർട്ടർ ഫൈനൽ വിജയത്തിൽ സ്കോർ ചെയ്തതിന് ശേഷം ഇംഗ്ലണ്ട് വിങ്ങർ ബുക്കയോ സാക്കയെ ത്രീ ലയൺസിൻ്റെ ഏറ്റവും പ്രധാനപ്പെട്ട കളിക്കാരനായി തിരഞ്ഞെടുത്ത് റിയോ ഫെർഡിനാൻഡ്. അവസരത്തിനൊത്തുയർന്ന മാജിക്കിൻ്റെ ഒരു നിമിഷമായിരുന്നു ഗോൾകീപ്പർ യാൻ സോമറെ തോൽപ്പിച്ചു നേടിയ ആ ഗോൾ. ഇരുടീമുകളും തങ്ങളുടെ വളരെ അപൂർവ അവസരങ്ങൾ പാഴാക്കിയ ആദ്യ പകുതിക്ക് ശേഷം, ബ്രീൽ എംബോളോ 75 ആം മിനുട്ടിൽ സ്വിസിൻ്റെ സ്കോറിംഗ് തുറന്നു. കളിയിൽ പിന്നീട് കാര്യമായ പ്രകടനങ്ങൾ കാഴ്ചവെക്കാൻ സാധിക്കാതിരുന്ന ഇംഗ്ലണ്ട് പുറത്തേക്ക് പോകുന്നത് പോലെ തോന്നി. പക്ഷേ അഞ്ച് മിനിറ്റിനുള്ളിൽ സാകയാണ് അവരെ രക്ഷിച്ചത്.ആഴ്സണൽ വിംഗർ പന്ത് തൻ്റെ ഇടതു കാലിലേക്ക് കൊണ്ടുവന്നു, വലത് പാർശ്വത്തിൽ നിന്ന് വന്ന്, പെനാൽറ്റി ബോക്‌സിന് പുറത്ത് നിന്ന് വലയിലേക്ക് ഒരു ഷോർട്ട് അടിച്ചു.
തുടർന്ന് കളിയുടെ റെഗുലർ ടൈമിൽ വിജയിയെ കണ്ടെത്താൻ സാധിക്കാതിരുന്ന മത്സരം എക്സ്ട്രാ ടൈമിലേക്ക് പോയെങ്കിലും അതിലും ഫലം മറ്റൊന്നായിരുന്നില്ല. എക്സ്ട്രാ ടൈമിന് ശേഷമുള്ള പെനാൽറ്റി ഷൂട്ട് ഔട്ടിൽ അഞ്ചു ഗോൾ ഇംഗ്ലണ്ട് നേടിയപ്പോൾ മൂന്നെണ്ണം മാത്രമേ സ്വിസ് പടക്ക് നേടാൻ ആയുള്ളൂ. പെനാൽറ്റി ഷൂട്ട് ഔട്ടിലെ വിജയം സെമി ഫൈനലിലേക്കുള്ള യോഗ്യത നേടി കൊടുത്തു. തുർക്കിയെ തോൽപ്പിച്ചു വരുന്ന നെതെർലാൻഡ്‌സാണ് ഇംഗ്ലണ്ടിന്റെ സെമിയിലെ എതിരാളികൾ.
ക്വാർട്ടർ ഫൈനൽ മത്സരത്തിലുള്ള സാക്കയുടെ പ്രകടനം ഒരുപാട് ആളുകളുടെതന്നപോലെ മുൻ ഇംഗ്ലണ്ട് കളിക്കാരനും മാഞ്ചസ്റ്റർ യുണൈറ്റഡ് ലെജൻഡുമായ റിയോ ഫെർഡിനന്റിന്റെയും പ്രശംസ പിടിച്ചുപറ്റി. ഇംഗ്ലണ്ട് വിജയിച്ചതിന് ശേഷം അദ്ദേഹം ബിബിസിയോട് പറഞ്ഞു:
“അവനെക്കുറിച്ചുള്ള എല്ലാം വളരെ പോസിറ്റീവ് ആയി കാണപ്പെടുന്നു. നിങ്ങൾക്ക് അവനെ സ്നേഹിക്കാതിരിക്കാൻ കഴിയില്ല, അവൻ്റെ ഫുട്ബോളിന് മാത്രമല്ല, അവൻ്റെ വ്യക്തിത്വത്തിനും അവൻ കാണിച്ച സ്വഭാവത്തിനും. “അദ്ദേഹം ഏറ്റവും പ്രധാനപ്പെട്ട ഇംഗ്ലണ്ട് കളിക്കാരനാണ്. അവൻ എല്ലാവരിൽ നിന്നും വളരെ വ്യത്യസ്തനാണ്”
ത്രീ ലയൺസ് സ്ക്വാഡിൽ തൻ്റെ സ്ഥാനം ഉറപ്പിക്കാൻ സഹായിച്ച തൻ്റെ ക്ലബിന് വേണ്ടിയുള്ള മികച്ച പ്രകടനത്തിലൂടെ സാക്ക ആഴ്സണലിന് വേണ്ടി കഴിഞ്ഞ സീസണിൽ മികച്ച പ്രകടനമാണ് കാഴ്ചവെച്ചത്. കഴിഞ്ഞ സീസണിൽ അദ്ദേഹം 47 മത്സരങ്ങൾ കളിച്ചത്തിൽ നിന്നും 20 ഗോളുകളും 14 അസിസ്റ്റുകളും നേടി. പ്രീമിയർ ലീഗിൽ ഏറ്റവും മികച്ച യുവ കളിക്കാരിൽ ഒരാളാണ് ബുക്കായോ സാക്ക.
Read more
