ഇത്തവണത്തെ പാരീസ് ഒളിമ്പിക്സിലെ ജാവലിൻ ത്രോയിൽ ഇന്ത്യൻ താരം നീരജ് ചോപ്രയ്ക്ക് വെള്ളി. പാകിസ്ഥാൻ താരമായ അർഷാദ് നദീം ആണ് ഇത്തവണത്തെ ഒളിമ്പിക് ഗോൾഡ് മെഡൽ ജേതാവായത്. കഴിഞ്ഞ ടോക്കിയോ ഒളിമ്പിക്സിൽ ഇന്ത്യയ്ക്കായി ഏക സ്വർണ മെഡൽ നേടിയ താരമായിരുന്നു നീരജ് ചോപ്ര. ഇത്തവണ താരത്തിന് രണ്ടാം സ്ഥാനത്ത് മത്സരം അവസാനിപ്പിക്കേണ്ടി വന്നു. നീരജ് ചോപ്ര 89.45 മീറ്റർ എറിഞ്ഞാണ് രണ്ടാം സ്ഥാനം കരസ്ഥമാക്കിയത്. എന്നാൽ താരത്തിനെ അമ്മയുടെ വാക്കുകൾ ആണ് ഇപ്പോൾ സമൂഹ മാധ്യമങ്ങളിൽ വൈറൽ.

നീരജ് ചോപ്രയുടെ ‘അമ്മ സരോജ് ദേവി പറയുന്നത് ഇങ്ങനെ:

“വെള്ളി മെഡൽ നേടാനായതിൽ ഞങ്ങൾക്ക് അതിയായ സന്തോഷം ഉണ്ട്. സ്വർണ മെഡൽ നേടിയ അർഷാദും എനിക്ക് എന്റെ മകനെ പോലെ തന്നെ ആണ്. അവനും ഇത് നേടാൻ ഒരുപാട് കഷ്ട്ടപെട്ടു” സരോജ് ദേവി പറഞ്ഞു.

അമ്മയുടെ വാക്കുകൾ പാകിസ്ഥാൻ ജനങ്ങൾ മാത്രമല്ല ലോകമെമ്പാടും ഉള്ള ആരാധകർ ഏറ്റെടുത്തിരിക്കുകയാണ്. ഇതാണ് സ്പോർട്സ്മാൻസ്പിരിറ്റ് എന്നും, നീരജിന്റെ അമ്മയോടുള്ള സ്നേഹവും പാകിസ്ഥാൻ ജനങ്ങൾ സമൂഹ മാധ്യമങ്ങളിലൂടെ അറിയിച്ചിരിക്കുകയാണ്. ഇന്നലത്തെ മത്സരം ഓൺലൈൻ വഴി കണ്ടത് 4.1 കോടി ജനങ്ങൾ ആയിരുന്നു. ഇന്ത്യ പാകിസ്ഥാൻ മത്സരത്തിൽ എപ്പോഴും വ്യൂവേഴ്സ് കൂടുതൽ ആയിരിക്കും.

Read more

അന്താരാഷ്ട്ര ക്രിക്കറ്റില്‍ ഇനി സഞ്ജുവിന്‍റെ സമയം, വൈകാതെ നായകസ്ഥാനത്തേക്ക്!

പ്രസവമുറിയില്‍ ആശങ്കയോടെ നില്‍ക്കുന്ന ഭര്‍ത്താവിന്റെ അവസ്ഥയിലാണ് ഞാന്‍, വിഷാദവുമായി പോരാടുകയായിരുന്നു: അര്‍ച്ചന കവി

'ഏത് ആംഗിളില്‍ ഷൂട്ട് ചെയ്യണമെന്ന് ''പച്ചക്കുയിലിന്'' നന്നായി അറിയാം'; പരിഹാസവുമായി എസ്തര്‍ അനില്‍

ചെവികള്‍ കടിച്ചെടുക്കുന്നു, ഹൃദയം പറിച്ചെടുക്കുന്നതൊക്കെയാണ് കാണിക്കുന്നത്; എ സര്‍ട്ടിഫിക്കറ്റ് പടം കുട്ടികളെയും കാണിക്കുന്നു, 'മാര്‍ക്കോ'യ്‌ക്കെതിരെ കോണ്‍ഗ്രസ് നേതാവ്

സ്വിമ്മിങ് പൂളില്‍ മൂത്രമൊഴിച്ചു; അല്ലു അര്‍ജുനെതിരെ വീണ്ടും പരാതി, ആക്ഷേപവുമായി കോണ്‍ഗ്രസ് നേതാവ്

മത്സരത്തിൽ നീരജ് എറിഞ്ഞ ആറ് ത്രോയിൽ അഞ്ചെണ്ണവും ഫൗൾ ത്രോ ആയിരുന്നു. താരം എറിഞ്ഞ രണ്ടാമത്തെ ത്രോയിലാണ് 89.45 മീറ്റർ ദൂരത്തിൽ അദ്ദേഹത്തിന് രണ്ടാം സ്ഥാനം കരസ്ഥമാക്കാൻ സാധിച്ചത്. എന്നാൽ പാകിസ്ഥാൻ താരത്തിനും ഫൗൾ ത്രോകൾ കുറെ ഉണ്ടായിരുന്നു. അർഷാദും എറിഞ്ഞ രണ്ടാമത്തെ ത്രോയിൽ 92.97 മീറ്റർ ദൂരത്തിലാണ് അദ്ദേഹം സ്വർണം നേടിയത്. ഒളിമ്പിക്സിൽ റെക്കോർഡ് നേടിയാണ് പാകിസ്ഥാൻ സ്വർണ മെഡൽ കരസ്ഥമാക്കിയത്.