തന്റെ ഇന്‍സ്റ്റഗ്രാം പോസ്റ്റുകള്‍ എല്ലാം ഡിലീറ്റ് ചെയ്ത് ബോളിവുഡ് താരം അനില്‍ കപൂര്‍. 5.8 മില്യണ്‍ ഫോളോവേഴ്‌സ് ഉള്ള അക്കൗണ്ടില്‍ നിന്നും പ്രൊഫൈല്‍ പിക്ചറും എല്ലാ പോസ്റ്റുകളും അനില്‍ കപൂര്‍ നീക്കം ചെയ്തിട്ടുണ്ട്. തന്റെ പുതിയ ചിത്രം ‘അനിമല്‍’ റിലീസ് ചെയ്യാനിരിക്കെയാണ് സോഷ്യല്‍ മീഡിയയില്‍ അനില്‍ കപൂര്‍ മാറ്റങ്ങള്‍ വരുത്തിയിരിക്കുന്നത്.
പിതാവിന്റെ പ്രവര്‍ത്തിയില്‍ പ്രതികരിച്ച് മകള്‍ സോനം കപൂര്‍ രംഗത്തെത്തിയിട്ടുണ്ട്. അച്ഛന്റെ ഇന്‍സ്റ്റ അക്കൗണ്ടിന്റെ സ്‌ക്രീന്‍ ഷോട്ട് പങ്കുവച്ച് ‘ഡാഡ്’ എന്ന കുറിച്ചു കൊണ്ടാണ് സോനം ഇന്‍സ്റ്റഗ്രാമില്‍ സ്റ്റോറി പങ്കുവച്ചിരിക്കുന്നത്. അനില്‍ കപൂറിന്റ പുതിയ തീരുമാനം അനിമലിനായുള്ള വ്യത്യസ്ത പ്രചാരണത്തിനായാണ് എന്നാണ് സൂചനകള്‍.
ഇതിനുമുമ്പും ചില നടീനടന്മാര്‍ സിനിമാ പ്രമോഷന് വേണ്ടി സോഷ്യല്‍മീഡിയ പ്രൊഫൈലുകള്‍ ഇത്തരത്തില്‍ ഉപയോഗിച്ചിരുന്നു. രണ്‍ബിര്‍ കപൂര്‍ നായകനാകുന്ന ചിത്രമാണ് അനിമല്‍. രണ്‍ബിറിന്റെ പിതാവ് ആയാണ് ചിത്രത്തില്‍ അനില്‍ കപൂര്‍ വേഷമിടുന്നത്.
ബല്‍ബീര്‍ സിങ് എന്നാണ് അനില്‍ കപൂര്‍ കഥാപാത്രത്തിന് പേര്. അച്ഛന്‍ മകന്‍ ബന്ധത്തില്‍ ഊന്നിയുള്ള സിനിമയാണിത്. ഓഗസ്റ്റ് 11ന് റിലീസ് തീരുമാനിച്ചെങ്കിലും, ഗദ്ദര്‍ 2, ഒഎംജി 2 എന്നീ ചിത്രങ്ങളുമായി ബോക്‌സ് ഓഫീസില്‍ ഏറ്റുമുട്ടുന്നത് ഒഴിവാക്കാന്‍ റിലീസ് മാറ്റുകയായിരുന്നു.
Read more
‘അര്‍ജുന്‍ റെഡ്ഡി’ക്ക് ശേഷം സന്ദീപ് റെഡ്ഡി വംഗ സംവിധാനം ചെയ്യുന്ന സിനിമയാണ് അനിമല്‍. രശ്മിക മന്ദാനയാണ് ചിത്രത്തില്‍ നായികയാവുന്നത്. ഹിന്ദി, തെലുങ്ക്, തമിഴ്, കന്നഡ, മലയാളം എന്നീ അഞ്ചു ഭാഷകളിലായാണ് ചിത്രം എത്തുന്നത്. ഡിസംബര്‍ 1ന് ആണ് ചിത്രത്തിന്റെ റിലീസ്.
