സ്വയം മന്ദബുദ്ധിയെന്ന് വിശേഷിപ്പിച്ച് ബോളിവുഡ് താരം ജൂഹി ചൗള. കരിയറിന്റെ ഏറ്റവും നല്ല കാലത്ത് വാശി കൊണ്ട് പല ചിത്രങ്ങളിലും അഭിനയിക്കാന്‍ വിസമ്മതിച്ചതിനെ കുറിച്ച് തുറന്നു പറഞ്ഞിരിക്കുകയാണ് താരം. കരിഷ്മ കപൂറിന് സ്റ്റാര്‍ഡം കിട്ടാനുള്ള കാരണവും താനാണെന്നും ജൂഹി പറഞ്ഞു.
“”ഞാന്‍ മന്ദബുദ്ധിയായി പോയി. ഞാന്‍ അഭിനയിച്ചില്ലെങ്കില്‍ ബോളിവുഡ് സ്തംഭിക്കുമെന്ന് വിചാരിച്ചു. നല്ല സിനിമകള്‍ ലഭിച്ചിട്ടും എന്റെ ഈഗോ അത് ചെയ്യാന്‍ അനുവദിച്ചില്ല. കംഫര്‍ട്ടബിളായവര്‍ക്കൊപ്പം മാത്രം വര്‍ക്ക് ചെയ്യാന്‍ തുടങ്ങി. ദില്‍ തോ പാഗല്‍ ഹെ, രാജാ ഹിന്ദുസ്ഥാനി എന്നീ ചിത്രങ്ങള്‍ ഞാന്‍ ഉപേക്ഷിച്ചതിനാല്‍ പലര്‍ക്കും സ്റ്റാര്‍ഡം ലഭിച്ചു”” എന്ന് ജൂഹി ഒരു അഭിമുഖത്തിനിടെ വ്യക്തമാക്കി.
Read more
“ദില്‍ തോ പാഗല്‍ ഹെ” എന്ന ചിത്രത്തിലെ അഭിനയത്തിന് കരിഷ്മ കപൂറിന് ദേശീയ പുരസ്‌കാരം ലഭിച്ചിരുന്നു. “രാജാ ഹിന്ദുസ്ഥാനി” കരിഷ്മയുടെ കരിയറിലെ മൈല്‍ സ്റ്റോണ്‍ ആയി. “”അതെ ഞാനാണ് കരിഷ്മയുടെ സ്റ്റാര്‍ഡത്തിന് ഉത്തരവാദി”” എന്നും ജൂഹി പറഞ്ഞു.
