പ്ലാസ്റ്റിക് സര്‍ജറി ചെയ്യാനാവശ്യപ്പെട്ട നിര്‍മ്മാതാവിനെ തനിക്ക് കുത്തിക്കൊല്ലാന്‍ തോന്നിയിട്ടുണ്ടെന്ന് നടി കല്‍ക്കി കൊച്ചലിന്‍. തന്റെ മുന്‍ കാമുകിയെ കുറിച്ച് സംസാരിച്ചതിനെ ശേഷമാണ്, അവരെ പോലെ തന്നോടും ബോട്ടോക്‌സ് ചെയ്യാനായി ആവശ്യപ്പെട്ടത്. എന്നാല്‍ തന്റെ മുഖത്തെ ചുളിവുകളില്‍ താന്‍ കംഫര്‍ട്ടബിള്‍ ആണ്. തന്റെ മുഖത്ത് ഒന്നും ചെയ്യാന്‍ ഉദ്ദേശിക്കുന്നില്ല എന്നാണ് കല്‍ക്കി പറയുന്നത്.
”നീ കുറച്ച് ഫില്ലര്‍ ചെയ്ത് നിന്റെ ലാഫ്റ്റര്‍ ലൈന്‍ ശരിയാക്കിയാല്‍ മാത്രം മതി എന്ന് ആ നിര്‍മ്മാതാവ് എന്നോട് പറഞ്ഞു. എനിക്ക് അവനെ ഫോര്‍ക്ക് വച്ച് കുത്താനാണ് തോന്നിയത്. പക്ഷെ ഞാന്‍ ആത്മനിയന്ത്രണം പാലിച്ചു. എന്നാല്‍ ഞാന്‍ ചിരിക്കുന്നതും പൊട്ടിച്ചിരിക്കുന്നതുമൊക്കെ കുറയ്ക്കാം എന്ന് മാത്രം പറഞ്ഞു. ഞാന്‍ എന്നും കുറച്ച് തമാശ കൂടി ചേര്‍ത്താണ് ഇതിനോടൊക്കെ പ്രതികരിക്കാറുള്ളത്.”
”ഇത് സംഭവിക്കുമ്പോള്‍ എന്റെ പ്രായം 30കളിലാണ്. അതിനാല്‍ അതൊന്നും ബാധിക്കാത്ത അത്ര ഞാന്‍ അനുഭവിച്ച് കഴിഞ്ഞിരുന്നു. എന്നാല്‍ 20കാരികളോടും ഇത് പറയുന്നുണ്ടെന്ന് എനിക്കറിയാം. അവര്‍ സമ്മര്‍ദ്ധത്തിലാവുകയും തങ്ങളുടെ മുഖം മാറ്റുകയും ചെയ്യും. എന്റെ ശരീരത്തിലെ ചുളിവുകളുടെ കാര്യത്തില്‍ ഞാന്‍ കംഫര്‍ട്ടബിള്‍ ആണ്.”
”എന്റെ മുഖത്ത് ഒന്നും ചെയ്യാന്‍ ആഗ്രഹിക്കുന്നില്ല. മുഖത്തെ ചുളിവുകളില്‍ താന്‍ കംഫര്‍ട്ടബിള്‍ ആണ്. ക്യാമറയ്ക്ക് മുമ്പില്‍ നില്‍ക്കുമ്പോഴും ആ വസ്തുതയെ അംഗീകരിക്കാനും അതില്‍ ഒക്കെയായിരിക്കാനും എനിക്ക് സാധിക്കുന്നുണ്ട്” എന്നാണ് കല്‍ക്കി ബിബിസി വേള്‍ഡ് സര്‍വ്വീസ് പോഡ്കാസ്റ്റില്‍ പ്രതികരിച്ചത്.
അതേസമയം, ദേവ് ഡി എന്ന ചിത്രത്തിലൂടെയാണ് കല്‍ക്കി ബോളിവുഡില്‍ അരങ്ങേറ്റം കുറിക്കുന്നത്. നേസിപ്പായ എന്ന തമിഴ് ചിത്രത്തിലാണ് കല്‍ക്കി ഒടുവില്‍ പ്രത്യക്ഷപ്പെട്ടത്. എമ്മ ആന്‍ഡ് എയ്ഞ്ചല്‍ എന്ന ചിത്രമാണ് കല്‍ക്കിയുടെതായി ഇനി റിലീസിന് ഒരുങ്ങുന്നത്.
