കൊറോണ പ്രതിരോധ പ്രവര്‍ത്തനങ്ങള്‍ക്കായി ഒരു കോടി രൂപ നല്‍കുമെന്ന് ബോളിവുഡ് നടന്‍ കാര്‍ത്തിക് ആര്യന്‍. പ്രധാനമന്ത്രിയുടെ കൊറോണ ദുരിതാശ്വാസനിധിയിലേക്കാവും പണം നല്‍കുക. ഇന്‍സ്റ്റഗ്രാമിലൂടെയാണ് കാര്‍ത്തിക് ഇക്കാര്യം വ്യക്തമാക്കിയത്.
“ഒരു രാജ്യത്തെ ജനങ്ങള്‍ എന്ന നിലയില്‍ നമ്മള്‍ ഒറ്റക്കെട്ടായി നില്‍ക്കേണ്ട സമയമാണിത്. ഞാന്‍ ഇന്ന് ആരാണോ, നേടിയ പണം എത്രയാണോ അതു മുഴുവന്‍ ഇന്ത്യയിലെ ജനങ്ങള്‍ കാരണമുണ്ടായതാണ്. അതിനാല്‍ തന്നെ കേന്ദ്ര കൊറോണ ഫണ്ടിലേക്ക് ഒരു കോടി രൂപ നല്‍കാന്‍ തയ്യാറാണ്. നിങ്ങളോരോരുത്തരും നിങ്ങളാല്‍ കഴിയുന്ന വിധം സംഭാവന നല്‍കണമെന്ന് അഭ്യര്‍ഥിക്കുന്നു.” കാര്‍ത്തിക് ആര്യന്‍ കുറിച്ചു.
https://www.instagram.com/p/B-WK6ZFJjtX/?utm_source=ig_web_copy_link
Read more
ബോളിവുഡില്‍ നിന്ന് ഇതിനോടകം നിരവധി താരങ്ങളാണ് ദുരിതാശ്വാസ നിധിയിലേക്ക് സംഭാവന നല്‍കിയിരിക്കുന്നത്. നടന്‍ അക്ഷയ് കുമാര്‍ 25 കോടി രൂപയാണ് നല്‍കിയത്. നടന്‍ സല്‍മാന്‍ ഖാന്‍ ദിവസവേതനക്കാരായ 25,000 കുടുംബാംഗങ്ങള്‍ക്ക് സഹായം വാഗ്ദാനം ചെയ്തിട്ടുണ്ട്.
