‘പഠാന്‍’ ഇഷ്ടമായില്ലെന്ന് പറഞ്ഞ കുട്ടി ആരാധികയ്ക്ക് മറുപടിയുമായി ഷാരൂഖ് ഖാന്‍. 400 കോടി കളക്ഷന്‍ പിന്നിട്ട് സൂപ്പര്‍ ഹിറ്റ് ആയി പ്രദര്‍ശനം തുടരുന്ന സിനിമയ്ക്ക് വന്‍ പ്രേക്ഷക പ്രതികരണമാണ് ലഭിക്കുന്നത്. ഇതിനിടെയാണ് ഒരു കുഞ്ഞ് ആരാധികയുടെ വീഡിയോ വൈറലായത്.
പഠാന്‍ ഇഷ്ടമായോ എന്ന ചോദ്യത്തിന് ഇല്ല എന്ന് മറുപടി പറയുന്ന കുഞ്ഞിനെ സോഷ്യല്‍ മീഡിയ ഏറ്റെടുത്തിരിക്കുകയാണ്. ഇതോടെ കുഞ്ഞ് ആരാധികയ്ക്ക് മറുപടിയുമായി ഷാരൂഖ് ഖാനും എത്തി. കുട്ടിപ്രേഷകരെ നിരശരാക്കാന്‍ കഴിയില്ല, കൂടുതല്‍ പ്രയത്‌നിക്കേണ്ടിയിരിക്കുന്നു എന്നാണ് ഷാരൂഖ് ട്വിറ്ററില്‍ കുറിച്ചിരിക്കുന്നത്.
‘ദില്‍ വാലെ ദുല്‍ഹനിയ ലെ ജായേങ്കേ എന്ന എന്റെ ചിത്രം കുട്ടിയെ കാണിക്കൂ, ഇഷ്ടപ്പെട്ടേക്കാം. ചിലപ്പോള്‍ അവള്‍ കുറച്ചു റൊമാന്റിക് ആയതു കൊണ്ടാവാം’ എന്നും ഷാരൂഖ് ട്വീറ്റില്‍ പറയുന്നുണ്ട്. അതേസമയം, ജനുവരി 25ന് ആണ് ചിത്രം തിയേറ്ററുകളില്‍ എത്തിയത്.
Oh oh!! Have to work harder now. Back to the drawing board. Can’t let the younger audience be disappointed. Desh ke youth ka sawaal hai. PS: Try DDLJ on her please….maybe she is the romantic types….kids u never know! https://t.co/UBpSnLOZrf
— Shah Rukh Khan (@iamsrk) February 5, 2023
Read more
ബോളിവുഡിന്റെ തിരിച്ച് വരവായാണ് സിനിമാലോകം പഠാനെ കാണുന്നത്. ഹിന്ദിയില്‍ പഠാന്‍ സിനിമയേക്കാള്‍ കളക്ഷന്‍ നേടിയ തെന്നിന്ത്യന്‍ ചിത്രങ്ങളായ ബാഹുബലിയുടെയും കെജിഎഫിന്റെയും മറികടക്കാനാണ് സാധ്യത. ഷാരൂഖിനൊപ്പം ദീപിക പദുക്കോണും ജോണ്‍ എബ്രഹാമും ചിത്രത്തില്‍ പ്രധാന കഥാപാത്രങ്ങളായിരുന്നു.
