സംഗീത സംവിധായകര്‍ക്ക് പാട്ടു പാടി അയച്ചു കൊടുക്കുന്ന പരിപാടി താന്‍ നിര്‍ത്തിയെന്ന് നടി രജിഷ വിജയന്‍. താരത്തിന്റെ ഏറ്റവും പുതിയ ചിത്രം “ഖൊ ഖൊ”യുടെ വിശേഷങ്ങള്‍ പങ്കുവയ്ക്കുന്നതിനിടെ ക്ലബ് എഫ്എമ്മിനോട് ആണ് രജിഷ പ്രതികരിച്ചത്. ഷാന്‍ റഹ്മാന് ഒരിക്കല്‍ തമാശയ്ക്ക് പാട്ടുപാടി അയച്ചിട്ടുണ്ട്.
ജൂണില്‍ ഒരു പാട്ട് പാടിക്കാമോ എന്ന് ചിത്രത്തിന്റെ സംഗീത സംവിധായകന്‍ ഇഫ്തിയുടെ അടുത്ത് ചോദിച്ചിട്ടുണ്ട്. പക്ഷേ തന്നില്ല എന്ന് രജിഷ പറയുന്നു. കൈലാസ് മേനോനോടും പാട്ട് ചോദിച്ചിരുന്നു. ഗോപി സുന്ദറിന് പാടി കേള്‍പ്പിച്ചിട്ടുണ്ട്. ഏറ്റവും മോശമായി ഒരു പാട്ട് പാടേണ്ട സന്ദര്‍ഭം വന്നാല്‍ എന്നെ വിളിക്കാമെന്നാണ് ഗോപി സുന്ദര്‍ പറഞ്ഞത് എന്ന് രജിഷ പറയുന്നു.
ഏപ്രില്‍ 14ന് വിഷു ദിനത്തിലാണ് ഖൊ ഖൊ തിയേറ്ററുകളില്‍ എത്തിയത്. ഖൊ ഖൊ എന്ന സ്‌പോര്‍ട്‌സ് താരമായും സ്‌കൂള്‍ അധ്യാപികയായുമാണ് ചിത്രത്തില്‍ രജിഷ വേഷമിട്ടത്. 2017ല്‍ ഒറ്റമുറി വെളിച്ചം എന്ന ചിത്രത്തിലൂടെ മികച്ച ചിത്രത്തിനുള്ള സംസ്ഥാന പുരസ്‌കാരം നേടിയ സംവിധായകന്‍ രാഹുല്‍ റിജി നായര്‍ ആണ് ചിത്രം ഒരുക്കിയത്.
Read more
രാഹുല്‍ തന്നെ രചനയും നിര്‍വ്വഹിക്കുന്ന ചിത്രത്തിന്റെ നിര്‍മ്മാണം ഫസ്റ്റ് പ്രിന്റ് സ്റ്റുഡിയോസ് ആണ്. രജിഷയ്‌ക്കൊപ്പം മമിത ബൈജു, വെങ്കിടേഷ് വി പി, രഞ്ജിത്ത് ശേഖര്‍ നായര്‍ തുടങ്ങിയവരും ചിത്രത്തില്‍ പ്രധാന വേഷങ്ങളില്‍ എത്തിയിരുന്നു.
