ഭൂകമ്പത്തില്‍ നിന്ന് രക്ഷപ്പെട്ടതിന്റെ അപൂര്‍വ്വ അനുഭവം പങ്കുവെച്ച് നടന്‍ ആദില്‍ ഹുസൈന്‍. തന്റെ ട്വിറ്ററിലൂടെയാണ് ഇത് പങ്കുവെച്ചത്. പണമോ കാര്‍ഡോ ഒന്നുമില്ലാതെ താന്‍ വീട്ടില്‍ നിന്ന് ജീവനും കയ്യില്‍ പിടിച്ച് ഇറങ്ങി ഓടുകയായിരുന്നെന്നും പിന്നാലെ സുഹൃത്തിന്റെ വീട്ടില്‍ അഭയം തേടിയെന്നും നടന്‍ പറഞ്ഞു.

‘ഭൂചലനമുണ്ടായ സമയത്ത് ജീവനുംകൊണ്ട് പുറത്തേക്കോടുകയായിരുന്നു. കൈയില്‍ പണമോ കാര്‍ഡോയില്ലാതെ വീടിന് പുറത്ത് കുടുങ്ങിപ്പോയി. പിന്നീട് സുഹൃത്തായ ദിബാങ്കിന്റെ വീട്ടില്‍ അഭയം തേടുകയായിരുന്നു. – ആദില്‍ ടീറ്റ് ചെയ്തു.

കമീനേ, ഇംഗ്ലീഷ് വിംഗ്ലീഷ്, ലൈഫ് ഓഫ് പൈ, ലൂട്ടേര, ബെല്‍ബോട്ടം, കബിര്‍ സിങ് തുടങ്ങിയ ചിത്രങ്ങളിലൂടെയാണ് ആദില്‍ ഹുസൈന്‍ പ്രേക്ഷകരുടെ ഇടയില്‍ ശ്രദ്ധിക്കപ്പെടുന്നത്. ബോളിവുഡില്‍ കൂടാതെ ആസാമീസ്, ബംഗാളി, ഇംഗ്ലീഷ്, മറാഠി, നോര്‍വീജിയന്‍, തമിഴ് തുടങ്ങിയ ഭാഷകളിലും നടന്‍ സജീവമാണ്.

മലയാളത്തിലും ആദില്‍ ഹുസൈന്‍ അഭിനയിച്ചിട്ടുണ്ട്. ജീത്തു ജോസഫ്-മോഹന്‍ലാല്‍ ചിത്രമായ റാമിലും ഇദ്ദേഹം ഒരു പ്രധാനകഥാപാത്രത്തെ അവതരിപ്പിക്കുന്നുണ്ട്.