കാര്യപ്രാപ്തിയില്ലാത്തവരെ തനിക്ക് വര്‍ക്ക് ലെവലില്‍ സുഹൃത്തായി നിര്‍ത്താന്‍ സാധിക്കില്ലെന്ന് നടി അഹാന കൃഷ്ണ. ഫ്രണ്ട്‌സായി വെച്ചേക്കാം, പക്ഷെ വര്‍ക്ക് ലെവലില്‍ പറ്റില്ല. പുറത്ത് നിന്നുള്ളവരില്‍ തനിക്ക് ദേഷ്യം വരുന്ന കാര്യമതാണ്. ഒരു കാര്യം ഒരാള്‍ ഏല്‍പ്പിച്ചാല്‍ അതേപോലെ ചെയ്യുന്നതാണ് തന്റെ രീതിയെന്നും നടി ഒരു അഭിമുഖത്തില്‍ വ്യക്തമാക്കി.
എഫ്ടിക്യു വിത്ത് രേഖ മേനോന്‍ ചാനലിനോടാണ് നടിയുടെ പ്രതികരണം. ഏപ്രില്‍ 14 നാണ് അഹാനയുടെ അടി എന്ന സിനിമ റിലീസ് ചെയ്യുന്നത്. ലില്ലി, അന്വേഷണം എന്നീ സിനിമകള്‍ക്ക് ശേഷം പ്രശോഭ് വിജയന്‍ സംവിധാനം ചെയ്യുന്ന സിനിമയാണ് അടി. ദുല്‍ഖര്‍ സല്‍മാനാണ് സിനിമ നിര്‍മ്മിക്കുന്നത്.
ഇഷ്‌കിന്റെ തിരക്കഥാകൃത്ത് രതീഷ് രവിയാണ് അടിയുടെ തിരക്കഥ ഒരുക്കിയിരിക്കുന്നത്. ഇതുവരെ നടിയുടെ മറ്റ് ചിത്രങ്ങളെക്കുറിച്ച് വാര്‍ത്തകള്‍ എത്തിയിട്ടില്ല.
രാജീവ് രവിയുടെ ഞാന്‍ സ്റ്റീവ് ലോപ്പസായിരുന്നു ആദ്യ സിനിമ.
Read more
പിന്നീട് ലൂക്ക എന്ന സിനിമയിലാണ് ശ്രദ്ധേയ വേഷം നടിക്ക് ചെയ്യാനായത്.
