പൃഥ്വിരാജിനെ പ്രധാന കഥാപാത്രമാക്കി ജെയ് കെ എന്ന ജയകൃഷ്ണൻ സംവിധാനം ചെയ്ത് 2017-ൽ പുറത്തിറങ്ങിയ ചിത്രമാണ് ‘എസ്ര’. പ്രിയ ആനന്ദ്, ടൊവിനോ തോമസ്, സുദേവ് നായർ എന്നിവരായിരുന്നു ചിത്രത്തിൽ മറ്റ് താരങ്ങൾ.
ഇപ്പോഴിതാ ചിത്രത്തെ കുറിച്ച് സംസാരിക്കുകയാണ് പൃഥ്വിരാജ്. എസ്ര എന്ന ചിത്രം ക്ലാസിക് ഹൊറർ സിനിമയുടെ ഏറ്റവും മികച്ച ഉദാഹരണമാണ് എന്നാണ് പൃഥ്വിരാജ് പറയുന്നത്. തിരക്കഥയിലെ ഫ്ലാഷ്ബാക്കിലെ ജൂത പശ്ചാത്തലം ആണ് തന്നെ എക്സൈറ്റ് ചെയ്യിപ്പിച്ചത് എന്നാണ് പൃഥ്വിരാജ് പറയുന്നത്.
“ക്ലാസിക് ഹൊറർ സിനിമയുടെ ഏറ്റവും മികച്ച ഉദാഹരണമാണ് എസ്ര. നവ ദമ്പതികൾ കൊച്ചിയിലേക്ക് വരുന്നു. കൊച്ചിയിൽ അത്രയും വീടുണ്ടായിരുന്നിട്ടും ഫോർട്ട് കൊച്ചിയിലെ പഴയ ബംഗ്ലാവിൽ വന്ന് അവർ താമസിക്കുന്നു. 20000 സ്ക്വയർ ഫീറ്റ് വരുന്ന ബംഗ്ലാവിൽ അവർ രണ്ട് പേരും മാത്രമേയുള്ളൂ. അതാണെങ്കിൽ ഒരു സിനഗോഗിനടുത്താണ്. നായിക ഷോപ്പിങ്ങിന് പോകുമ്പോൾ സാധാരണ കടയിലൊന്നും പോകാതെ ഒരു ആന്റിക് ഷോപ്പിൽ പോകുന്നു.
അതിൽ തന്നെ വിചിത്രമായ ഫർണീച്ചറുകൾ വാങ്ങുന്നു. ക്ലീഷേയായ ആ ക്ലാസിക് ഹൊറർ സിനിമയിൽ ശരിക്കും വർക്കായത് ഫ്ളാഷ് ബാക്ക് സ്റ്റോറിയാണ്. ഫ്ളാഷ് ബാക്കിലെ ലവ് സ്റ്റോറിയും ജൂത പശ്ചാത്തലവും വളരെ പുതുമയുള്ളതായിരുന്നു. ഈ സിനിമ തീർച്ചയായും ചെയ്യണമെന്ന് എനിക്ക് തോന്നി
Read more
സംവിധായകൻ ജയകൃഷ്‌ണനാണ് അതിൻ്റെ ഫുൾമാർക്ക്. പിന്നെ ആ സിനിമക്ക് ഒരു പുതിയ ഭാഷ നൽകിയ സിനിമാറ്റോഗ്രാഫർ സുജിത്തിനും. ഈ സിനിമ വർക്കാവുമെന്ന് ഞാൻ പറഞ്ഞു. നിർമാതാക്കളായ ഇ ഫോർ എന്റർടെയ്ൻമെൻ്റ് അത് വിശ്വസിച്ചു.” എന്നാണ് ഫിലിം കമ്പാനിയന് നൽകിയ അഭിമുഖത്തിൽ പൃഥ്വിരാജ് പറഞ്ഞത്.
