ലിജോ ജോസ് പെല്ലിശ്ശേരി സിനിമ ചുരുളിയിലൂടെയാണ് നടി ഗീതി സംഗീത ശ്രദ്ധിക്കപ്പെടുന്നത്. ചിത്രത്തില്‍ അവര്‍ അവതരിപ്പിച്ച പെങ്ങള്‍ തങ്ക എന്ന കഥാപാത്രം ചര്‍ച്ചയാവുകയായിരുന്നു. ഇപ്പോഴിതാ അമൃത ടിവിയിലെ റെഡ്കാര്‍പറ്റ് പരിപാടിയില്‍ തന്റെ വ്യക്തിജീവിതത്തെക്കുറിച്ച് സംസാരിച്ചിരിക്കുകയാണ് ഗീതി സംഗീത.
Also read
ജീവിതത്തില്‍ ഒറ്റയ്ക്കായിപ്പോയെന്ന തോന്നല്‍ ചില സമയത്ത് ഉണ്ടാവാറുണ്ടെന്നും പക്ഷെ വിഷമം വന്നാലോ സന്തോഷം വന്നാലോ പങ്കുവെക്കാന്‍ തനിക്ക് ചുറ്റും ആളുകളുള്ളത് സന്തോഷിപ്പിക്കുന്നതാണെന്നും അവര്‍ പറഞ്ഞു.
ഗീതിയുടെ വാക്കുകള്‍
യാത്രകള്‍ ചെയ്യുമ്പോഴാണ് അങ്ങനെ മിസ്സിംഗ് തോന്നുന്നത്’ ഞാന്‍ സോളോ ട്രിപ്പ് പോവുന്ന ആളാണ്. ഒറ്റയ്ക്ക് ജീവിക്കുന്ന സ്ത്രീയെന്ന നിലയില്‍ സുരക്ഷിതത്വത്തിന് പ്രശ്‌നമുണ്ടെന്ന് തോന്നിയിട്ടില്ല. ചുറ്റുപാടുമുള്ളവര്‍ എന്ത് പറയുന്നു എന്നതില്‍ ഞാന്‍ അത്ര കണ്‍സേണ്‍ അല്ല’
‘ഞാന്‍ ചെയ്യുന്ന കാര്യങ്ങള്‍ ശരിയായിരിക്കുന്നിടത്തോളം ചുറ്റുപാടുമുള്ളവര്‍ എന്ത് പറയുന്നു എന്നതില്‍ വലിയ കാര്യമില്ലെന്നാണ് എന്റെ അനുഭവത്തില്‍ നിന്നും മനസ്സിലാക്കിയത്. താമസിക്കാന്‍ വീട് ചോദിക്കുമ്പോഴുള്ള പ്രശ്‌നം ഉണ്ട്. കൊച്ചി മെട്രോ സിറ്റി ആണ്. പക്ഷെ ഇപ്പോഴും സിനിമാക്കാര്‍, ഒറ്റയ്‌ക്കൊരു സ്ത്രീ എന്ന് പറയുമ്പോള്‍ അവര്‍ക്ക് ആശങ്ക ഉണ്ട്’
Read more
‘നമ്മുടെ ജോലി ആണിത്. ഒരാള്‍ ഒറ്റയ്ക്കായി പോവുന്നതിന് ഒരുപാട് കാരണങ്ങള്‍ ഉണ്ടാവും. ഒരു ബ്രോക്കറോട് വീടിന്റെ കാര്യം സംസാരിച്ചപ്പോള്‍ എന്നോട് ഭര്‍ത്താവ് ഉണ്ടോ കൂടേ എന്ന് ചോദിച്ചു. ഭര്‍ത്താവുള്ളവര്‍ക്കേ വീട് കൊടുക്കുകയുള്ളൂ എന്ന് ഞാന്‍ ചോദിച്ചു. അതിന് വേണ്ടി ഒരു ഭര്‍ത്താവിനെ കണ്ട് പിടിക്കാന്‍ എനിക്ക് പറ്റില്ല,’
