മലയാളസിനിമയിലെ പ്രശസ്ത നടിമാരിലൊരാളാണ് അഹാന കൃഷ്ണ. നടന്‍ കൃഷ്ണകുമാറിന്റെ മകളായ അഹാന സോഷ്യല്‍ മീഡിയയിലും ഏറെ സജീവമാണ്. ഇപ്പോഴിതാ സംവിധാനമാണോ അഭിനയമാണോ കൂടുതല്‍ ആസ്വദിക്കുന്നത് എന്ന് ചോദ്യത്തിന് ഉത്തരം നല്‍കിയിരിക്കുകയാണ് അഹാന. കൗമുദിയുമായുള്ള അഭിമുഖത്തിലാണ് മറുപടി.
ഇതിനുള്ള എന്റെ മറുപടി അഭിനയം എന്ന് തന്നെയാണ്. പക്ഷേ, നല്ലൊരു ചിത്രം സംവിധാനം ചെയ്യണമെന്ന ആഗ്രഹവും മനസിലുണ്ട്.ഭാവിയില്‍ നായികയായും സംവിധായികയായും അറിയപ്പെട്ടേക്കാം. പൃഥ്വിരാജ് അതിനൊരു ഉത്തമ ഉദാഹരണമല്ലേ. അദ്ദേഹം അഭിനയിക്കുന്നു, സംവിധാനം ചെയ്യുന്നു, നിര്‍മിക്കുന്നു.
കുറച്ച് വര്‍ഷങ്ങള്‍ കഴിയുമ്പോള്‍ തിരക്കുള്ള നടിയായും സംവിധായികയായും മാറണമെന്നാണ് ആഗ്രഹം. ഇതിലെല്ലാമുപരി സന്തോഷത്തോടെയും സമാധാനത്തോടെയും ജീവിക്കാന്‍ സാധിക്കണം. അഹാന കൂട്ടിച്ചേര്‍ത്തു.
Read more
ഇന്‍സ്റ്റഗ്രാമിലും യൂട്യൂബിലും ലക്ഷക്കണക്കിന് ഫോളോവേഴ്‌സാണ് അഹാനയ്ക്കുള്ളത്. അഭിലാഷ് സുധീഷ് സംവിധാനം ചെയ്ത ‘മി മൈസെല്‍ഫ് ആന്റ് ഐ’ എന്ന വെബ്‌സീരീസിലൂടെ വ്യത്യസ്തമായ കാഴ്ച്ചാനുഭവമാണ് നടി പ്രേക്ഷകര്‍ക്ക് സമ്മാനിക്കുന്നത്.
