ബോളിവുഡ് അടുത്ത വര്‍ഷം പ്രതീക്ഷയോടെ കാത്തിരിക്കുന്ന ചിത്രങ്ങളിലൊന്നാണ് ഷാരൂഖ് ഖാന്‍ നായകനാവുന്ന ‘പത്താന്‍’. കൊവിഡ് കാലത്തെ തകര്‍ച്ചയ്ക്കു ശേഷം വളരെ കുറച്ച് ചിത്രങ്ങള്‍ മാത്രമാണ് ബോളിവുഡില്‍ വിജയിച്ചത്.
നാല് വര്‍ഷത്തെ ഇടവേളയ്ക്ക് ശേഷം എത്തുന്ന ഷാരൂഖ് ഖാന്‍ ചിത്രം എന്നതാണ് പത്താനെ ഇന്‍ഡസ്ട്രിയുടെ പ്രതീക്ഷകളിലേക്ക് നീക്കിനിര്‍ത്തുന്നത്. ഇതേ പ്രതീക്ഷ തന്നെയാണ് പൃഥ്വിരാജും ഇപ്പോള്‍ പങ്കുവയ്ക്കുന്നത്.
ബോളിവുഡ് ചിത്രങ്ങളുടെ പരാജയത്തിന് കാരണം ബോളിവുഡിന് മോശം സമയം ആണെന്നതു കൊണ്ട് മാത്രമാണ്. മറ്റൊന്നുമല്ല. ബോളിവുഡ് വീണ്ടും ഉണരാന്‍ ഒരു വലിയ സിനിമ മതി. അത് ഷാരൂഖ് ഖാന്റെ പത്താന്‍ ആയിരിക്കും എന്നാണ് പൃഥ്വിരാജ് പറയുന്നത്.
”ബോളിവുഡ് ഇപ്പോള്‍ എങ്ങനെയാണ് പോകുന്നത്? അവര്‍ക്ക് എങ്ങനെയാണ് ഇത്രയും വലിയ വിദേശ വിപണികള്‍ തുറക്കാന്‍ കഴിയുന്നത്. മധ്യകാലഘട്ടത്തെ കുറിച്ചല്ല ഞാന്‍ പറയുന്നത്. ഈ ഒരു കാലഘട്ടത്തിലാണ് ഞാന്‍ വിശ്വസിക്കുന്നത്. ബോളിവുഡില്‍ ഇനി ഒരു ഹിറ്റ് ഉണ്ടാകും. അത് പത്താന്‍ ആയിരിക്കും.”
Read more
”ഈ വലിയൊരു സിനിമയ്ക്ക് ശേഷം വീണ്ടും മറ്റ് വലിയ സിനിമകള്‍ വരും” എന്നാണ് പൃഥ്വിരാജ് പറയുന്നത്. ഫിലിം കമ്പാനിയന്റെ റൗണ്ട് ടേബിള്‍ ചര്‍ച്ചയ്ക്കിടെയാണ് പൃഥ്വിരാജ് സംസാരിച്ചത്. ജനുവരി 22ന് ആണ് പത്താന്‍ റിലീസിന് ഒരുങ്ങുന്നത്. ദീപിക പദുക്കോണ്‍, ജോണ്‍ എബ്രഹാം എന്നീ താരങ്ങളും സിനിമയില്‍ വേഷമിടുന്നുണ്ട്.
