ഒരുകാര്യം ഇഷ്ടമല്ലെങ്കില്‍ അത് ആരുടെ തുറന്ന് പറയുന്നതിൽ താൻ മടിക്കാറില്ലെന്ന് പൊന്നമ്മ ബാബു. നോ പറയേണ്ടിടത്ത് നോ പറഞ്ഞ് തന്നെ മുന്നോട്ട് പോകണമെന്നും ഇന്ത്യഗ്ലിറ്റ്‌സിന് നൽകിയ അഭിമുഖത്തിൽ അവർ വ്യക്തമാക്കി. തീരുമാനം എടുക്കേണ്ടത് നമ്മളാണ്. പക്ഷെ നിങ്ങൾക്ക് അതിയായ ആഗ്രഹമുണ്ടെങ്കിൽ സിനിമ നിങ്ങളിലേക്ക് തന്നെ എത്തിച്ചേരും.
നോയും യെസും നമ്മളുടെ കയ്യിലിരിക്കുന്ന കാര്യമാണ്. നമ്മളാണ് പറയേണ്ടത്. വേഷമില്ല പൊക്കോ എന്ന് പറഞ്ഞ് വിട്ടേക്കാം, പക്ഷെ നിങ്ങളെ തേടി മറ്റൊരു അവസരമുണ്ടായേക്കാമെന്നും അവർ കൂട്ടിച്ചേർത്തു.
സിനിമ കുറച്ച് കൂടെ ഗ്ലാമർ ഉള്ളതുകൊണ്ടാണ് സിനിമ രംഗത്തെ വാർത്തകളൊക്കെ പെട്ടെന്ന് ജനങ്ങളിലേക്ക് എത്തുന്നത്. സിനിമയിലെത്തുമ്പോഴും നല്ല വിദ്യഭ്യാസം വേണം. അതുണ്ടെങ്കില്‍ സിനിമയില്ലെങ്കിലും കുഴപ്പമില്ല എന്നൊരു ധൈര്യമുണ്ട്.
Read more
ഒരാള്‍ നടിയാകണമെന്ന് തലയിലുണ്ടെങ്കില്‍ ആ കുട്ടി വന്നിരിക്കും. പണ്ടത്തെപോലെയല്ല ഇപ്പോഴത്തെ കുട്ടികളൊക്കെ നല്ല വിദ്യഭ്യാസമുള്ളവരാണ്. അവര്‍ നോ പറയുന്നവരാണ്, പോടോ എന്ന് പറയുന്നവരാണെന്നും അവർ കൂട്ടിച്ചേർത്തു
