‘റോഷാക്ക്’ ചിത്രത്തില്‍ ഡ്യൂപ്പ് ഇല്ലാതെ മമ്മൂട്ടി കാര്‍ ഡ്രിഫ്റ്റ് ചെയ്യുന്ന വീഡിയോ സോഷ്യല്‍ മീഡിയയില്‍ വൈറലാണ്. ഈ സീന്‍ എടുത്തതിനെ കുറിച്ച് സംസാരിച്ചിരിക്കുകയാണ് നടന്‍ ഷറഫുദ്ദീന്‍ ഇപ്പോള്‍. മമ്മൂട്ടി കാര്‍ ഡ്രിഫ്റ്റ് ചെയ്യുന്നത് കണ്ട് സംവിധായകന്‍ നിസാം ഉള്‍പ്പെടെ സെറ്റിലുണ്ടായിരുന്നവര്‍ അമ്പരന്ന് പോയി എന്നാണ് ഷറഫുദ്ദീന്‍ പറയുന്നത്.
കാര്‍ സ്റ്റണ്ട് എന്ന് പറഞ്ഞപ്പോള്‍ ഏതോ സ്റ്റണ്ട് ആര്‍ട്ടിസ്റ്റ് ആണെന്നാണ് വിചാരിച്ചത്. മമ്മൂക്ക കാറില്‍ ഇരിപ്പുണ്ട്. കാര്‍ റിഗ് ചെയ്തിട്ടുള്ള ഷോട്ട് എടുക്കുകയാണ്. ബാക്കില്‍ കരിങ്കല്‍ ക്വാറിയുടെ ചെറിയ കുഴിയുണ്ട്. ഇപ്പുറത്ത് റോഡുണ്ട്, പെട്ടെന്ന് ടയറൊന്ന് പോകും. കണ്‍ട്രോള്‍ കിട്ടാതെ വണ്ടി സ്‌കിഡ് ചെയ്ത് പോകുന്ന രംഗമാണ്.
ആദ്യം സ്റ്റണ്ട് മാസ്റ്റര്‍ ചെയ്തു. റിഗ് ഷോട്ട് വരെയുള്ളതേ മമ്മൂക്ക ചെയ്യുകയുള്ളൂ. അതുകഴിഞ്ഞ് ചെയ്യാന്‍ അവിടെ ആള്‍ നില്‍പ്പുണ്ട്. പുറകിലാണെങ്കില്‍ കുഴിയും. റിസ്‌കുള്ള ഷോട്ടിന് റിസ്‌കുള്ള സ്ഥലം തന്നെയാണല്ലോ തിരഞ്ഞെടുക്കുന്നത്. വണ്ടി പഞ്ചറാകുന്നത് കാണിക്കുന്നത് കണ്ടു.
പിന്നെ ചെറുതായി ക്വാറിയുടെ എഡ്ജില്‍ റോഡിന്റെ പുറത്ത് ഒരു കാടിന്റെ സൈഡില്‍ നിര്‍ത്തി. അത് കാണേണ്ട കാഴ്ച ആയിരുന്നു. നിസാം വാ പൊളിച്ച് ഒരു എക്‌സ്പ്രഷനിട്ടു. ഷോട്ട് ഓക്കെയാണോ എന്നല്ല, ആ വീഡിയോ കിട്ടിയോ എന്നാണ് ഞാന്‍ ചോദിച്ചത് എന്നാണ് ഷറഫുദ്ദീന്‍ പറയുന്നത്.
Read more
അതേസമയം, റോഷാക്കിന് തിയേറ്ററുകളില്‍ നിന്നും ഗംഭീര പ്രതികരണങ്ങളാണ് ലഭിക്കുന്നത്. ഇന്നലെ തിയേറ്ററില്‍ റോഷാക്ക് ആഗോളതലത്തില്‍ അഞ്ച് കോടിയോളമാണ് നേടിയത്. കേരളത്തില്‍ നിന്ന് മാത്രം ലഭിച്ചത് മൂന്ന് മുതല്‍ നാല് കോടി വരെയാണ് എന്നാണ് റിപ്പോര്‍ട്ട്.
