ഇംഗ്ലീഷ് ഭാഷ കൈകാര്യം ചെയ്യുന്ന കാര്യത്തില്‍ ശശി തരൂരിനെ പോലെ മലയാളികളെ അത്ഭുതപ്പെടുത്തിയിട്ടുള്ള മറ്റൊരാളാണ് നടന്‍ പൃഥ്വിരാജ്. താരത്തിന്റെ ഇംഗ്ലീഷ് ഭാഷാപ്രയോഗത്തിലെ പ്രാവീണ്യം ഏറെ പ്രശംസനീയമാണ്. ഇപ്പോഴിതാ പൃഥ്വിയുടെ ഇംഗ്ലീഷ് പ്രാവീണ്യത്തില്‍ ആശ്ചര്യപ്പെട്ടിരിക്കുകയാണ് തമിഴ് നടന്‍ പ്രസന്ന. കലാഭവന്‍ ഷാജോണ്‍ ആദ്യമായി സംവിധാനം ചെയ്ത ബ്രദേഴ്‌സ് ഡേയില്‍ ഇരുവരും ഒന്നിച്ച് അഭിനയിച്ചിരുന്നു.
“എന്നെ അദ്ഭുതപ്പെടുത്തുന്നത് പൃഥ്വിരാജിന്റെ ഇംഗ്ലീഷാണ്. മലയാളത്തിലെ മാത്രമല്ല, ഇന്ത്യന്‍ സിനിമയിലെ ശശി തരൂരാണ് രാജുവെന്ന് പലപ്പോഴും തോന്നിയിട്ടുണ്ട്. ഈയിടെ ഖത്തറില്‍ നടന്ന പ്രമോഷന്‍ പരിപാടിയില്‍ രാജുവിന്റെ പ്രസംഗം കേട്ട് സദസ്സിലെ പലരും സ്തംഭിച്ചിരുന്നു പോയി. ഇതിന്റെ ഏറ്റവും ബെസ്റ്റ് എന്‍കാപ്‌സുലേഷന്‍ എന്നൊക്കെ പറഞ്ഞു തകര്‍ത്തു പ്രസംഗിക്കുകയാണ് രാജു.”
Read more
“ഞാന്‍ അന്തംവിട്ട് സംവിധായകന്‍ ഷാജോണിന്റെ മുഖത്തു നോക്കിയപ്പോള്‍ “ഇതൊക്കെ ചെറുത്” എന്ന മട്ടില്‍ പ്രത്യേക ഭാവത്തില്‍ ഒരു ജ്ഞാനിയെപ്പോലെ ഇരിക്കുന്നു കക്ഷി. പക്ഷേ, ഒന്നുണ്ട്, സ്വാഭാവികമായി വരുന്നതാണ് രാജുവിന്റെ ഇംഗ്ലിഷ്. വായന കൊണ്ടും മറ്റും നേടിയെടുത്തതാണത്.” വനിതയുമായുള്ള അഭിമുഖത്തില്‍ പ്രസന്ന പറഞ്ഞു.
