നടി ശാലിനിക്ക് ശസ്ത്രക്രിയ. ചെന്നൈ ഹോസ്പറ്റലില്‍ നടന്ന ശസ്ത്രക്രിയ വിജയകരമായിരുന്നുവെന്ന് ശാലിനിയോട് അടുത്തവൃത്തങ്ങള്‍ മാധ്യമങ്ങളോട് പ്രതികരിച്ചു. മൈനര്‍ സര്‍ജറിയാണ് നടിക്ക് ഉണ്ടായിരുന്നത്. നടി തന്നെയാണ് ആശുപത്രിയില്‍ നിന്നുള്ള ചിത്രം പങ്കുവച്ച് ഇക്കാര്യം പ്രേക്ഷകരുമായി പങ്കുവച്ചത്.
ശാലിനിയുടെ കൈ ചേര്‍ത്തുപിടിച്ചിരിക്കുന്ന അജിത്തിനെയും ചിത്രത്തില്‍ കാണാം. എന്നാല്‍ ഓപ്പറേഷന്‍ സമയത്ത് അജിത്ത് ഒപ്പമുണ്ടായിരുന്നില്ല. ‘വിടാമുയര്‍ച്ചി’ സിനിമയുടെ ഷൂട്ടിംഗുമായി ബന്ധപ്പെട്ട് അസര്‍ബൈജാനില്‍ ആയിരുന്നു അജിത്ത്. ഷൂട്ടിന് ഇടവേള വരുത്തി അജിത്ത് ആശുപത്രിയില്‍ എത്തിയിരുന്നു.
View this post on Instagram
‘എക്കാലവും സ്‌നേഹം മാത്രം’ എന്ന അടിക്കുറിപ്പോടെയാണ് അജിത്തിനൊപ്പമുള്ള ചിത്രം ശാലിനി പങ്കുവച്ചത്. അടുത്ത ദിവസം തന്നെ ചിത്രീകരണത്തിനായി അജിത്ത് വീണ്ടും അസര്‍ബൈജാനിലേക്ക് തിരിക്കും. 2000ല്‍ ആണ് അജിത്തും ശാലിനിയും വിവാഹിതരായത്. ഇരുവര്‍ക്കും രണ്ട് മക്കളുണ്ട്.
അതേസമയം, മഗിഴ് തിരുമേനിയുടെ സംവിധാനത്തില്‍ അജിത്തിന്റെ പുതിയ ചിത്രം വിടാമുയര്‍ച്ചി ഒരുങ്ങുന്നത്. ചിത്രത്തില്‍ നിരവധി ആക്ഷന്‍ സീനുകളും കാര്‍ ചേസിങ് സീനുകളുമുണ്ട്. ഈ രംഗങ്ങള്‍ ഷൂട്ട് ചെയ്യുന്നതിനിടെ അജിത്തിന് പരിക്കേല്‍ക്കുയും ചെയ്തിരുന്നു.
