മലയാളിയും മോഡലുമായ ശ്രീലക്ഷ്മി സതീഷിന്റെ ഏറ്റവും പുതിയ ചിത്രമാണ് രാം ഗോപാൽ വർമ്മ അവതരിപ്പിക്കുന്ന ‘സാരി’. ചിത്രത്തിന്റെ ടീസർ ആണ് ഇപ്പോൾ പുറത്ത് വന്നിരിക്കുന്നത്. മികച്ചൊരു ക്രൈം ത്രില്ലർ ആയിരിക്കുമെന്ന സൂചനകളാണ് ടീസറിൽ നിന്നും ലഭിക്കുന്നത്. ഏതായാലും ഇതിനോടകം തന്നെ ലക്ഷക്കണക്കിന് പേരാണ് ടീസർ കണ്ടിട്ടുള്ളത്.
ഏതാനും മാസങ്ങൾക്ക് മുൻപ് ശ്രീലക്ഷ്മി സതീഷിന്റെ(ആരാധ്യ ദേവി) ഫോട്ടോ ബോളിവുഡ് സംവിധായകൻ രാം ഗോപാൽ വർമ പങ്കുവച്ചത് ഏറെ ശ്രദ്ധനേടിയിരുന്നു. ഇതിന് പിന്നാലെ നിരവധി ട്രോളുകളും പരിഹാസങ്ങളുമാണ് ഇരുവർക്കുമെതിരെ ഉയർന്നത്. അന്ന് ശ്രീലക്ഷ്മിയെ വച്ച് താനൊരു സിനിമ ചെയ്യുമെന്ന് രാം ഗോപാൽ അറിയിച്ചിരുന്നു. വൈകാതെ സിനിമ പ്രഖ്യാപിക്കുകയും ചെയ്തു.
Now she’s Aaradhya Devi after being cast in SAAREE film and this is her latest reel ..Hey https://t.co/qJ8ja8xXfv I just can’t believe ur transformation 🙏 I don’t like rain but I am AMAZED with YOU in the RAIN 💐💐💐 pic.twitter.com/lXxRtyX9ug
— Ram Gopal Varma (@RGVzoomin) March 22, 2024
ആർജിവി ഡെൻ നടത്തിയ കോർപ്പറേറ്റ് സെലക്ഷനിലൂടെയാണ് ആരാധ്യ ദേവി ഈ ചിത്രത്തിലേക്ക് എത്തുന്നത്. ഏകകണ്ഠേനയാണ് ഈ കഥാപാത്രത്തിലേക്ക് ആരാധ്യ ദേവിയെ തിരഞ്ഞെടുത്തത്. അതേസമയം സാരി എന്ന് പേരുള്ള ചിത്രത്തിന്റെ ടീസർ റിലീസ് ചെയ്തിരിക്കുകയാണ് രാം ഗോപാൽ വർമ. ചിത്രം സംവിധാനം ചെയ്തിരിക്കുന്നത് ഗിരി കൃഷ്ണ കമൽ ആണ്. ശബരിയാണ് ഫോട്ടോഗ്രാഫി.
സാരി ചുറ്റിയ യുവതിയോട് ഒരു യുവാവിന് തോന്നുന്ന അടങ്ങാത്ത അഭിനിവേശം പിന്നീട് അപകടകരമായി മാറുന്നതിന്റെ കഥയാണ് ചിത്രം പറയുന്നത്. അമിതമായ സ്നേഹം ഭയാനകമാകും എന്നതാണ് ചിത്രത്തിന്റെ ടാഗ് ലൈൻ. നടൻ സത്യാ യാദു അവതരിപ്പിക്കുന്ന കഥാപാത്രം സാരി ചുറ്റിയ ഒരു യുവതിയെ കാണുന്നു. ആരാധ്യ ദേവി അവതരിപ്പിക്കുന്ന ഈ കഥാപാത്രത്തെ അയാൾ പിൻതുടരുകയും അയാളുടെ അവളോടുള്ള വികാരം അപകടകരമായി മാറുന്നതുമാണ് “സാരി” എന്ന ചിത്രം പറയുന്നത്.
