ടോവിനോ തോമസും കല്യാണി പ്രിയദര്‍ശനും കേന്ദ്രകഥാപാത്രങ്ങളായി എത്തിയ ‘തല്ലുമാല’ ചിത്രത്തിന് രണ്ടാം ഭാഗം വരുന്നു. കഴിഞ്ഞ വര്‍ഷം പുറത്തിറങ്ങിയ ചിത്രത്തിന്റെ ഒന്നാം വാര്‍ഷികത്തില്‍ ചിത്രത്തിന്റെ രണ്ടാം ഭാഗം എത്തുമെന്ന് അറിയിച്ചിരിക്കുകയാണ് ചിത്രത്തിന്റെ നിര്‍മ്മാതാവായ ആഷിഖ് ഉസ്മാന്‍.
ചിത്രത്തിന്റെ ഒന്നാം വാര്‍ഷികത്തില്‍ ചിത്രത്തില്‍ അഭിനയിച്ച താരങ്ങള്‍ക്കും അണിയറ പ്രവര്‍ത്തകര്‍ക്കും നന്ദി അറിയിച്ചു കൊണ്ടുള്ള പോസ്റ്റിലാണ് ‘തല്ലുമാല 2 ലോഡിങ് സൂണ്‍’ എന്ന ഹാഷ്ടാഗ് പങ്കുവച്ച് ആഷിഖ് ഉസ്മാന്‍ രണ്ടാം ഭാഗം വരുന്നുവെന്ന സൂചന നല്‍കിയത്.
View this post on Instagram
കൊവിഡിന് ശേഷമുള്ള മലയാളം തിയേറ്റര്‍ റിലീസുകളില്‍ ഹിറ്റ് ആയ ചിത്രങ്ങളില്‍ ഒന്നായിരുന്നു തല്ലുമാല. 2022 ഓഗസ്റ്റ് 12ന് ആയിരുന്നു ചിത്രം തിയേറ്ററുകളില്‍ എത്തിയത്. അഷ്റഫ് ഹംസയും മുഹ്സിന്‍ പരാരിയും ചേര്‍ന്നായിരുന്നു രചന.
Read more
മണവാളന്‍ വസീമായി ടൊവിനോ എത്തിയപ്പോള്‍ ബീപാത്തു എന്ന വ്ളോഗര്‍ ആയാണ് കല്യാണി പ്രിയദര്‍ശന്‍ വേഷമിട്ടത്. ലുക്മാന്‍, ഷൈന്‍ ടോം ചാക്കോ, ചെമ്പന്‍ വിനോദ്, ഓസ്റ്റിന്‍, ആദി ജോയ്, ബിനു പപ്പു, ഗോകുലന്‍, ജോണി ആന്റണി എന്നിവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിച്ചത്.
