അങ്കമാലി ഡയറീസ് സിനിമയ്ക്ക് ശേഷം നടന്‍ ചെമ്പന്‍ വിനോദ് തിരക്കഥ ഒരുക്കുന്ന പുതിയ ചിത്രത്തില്‍ നായകനായി കുഞ്ചാക്കോ ബോബന്‍. “ഭീമന്റെ വഴി” എന്ന് പേരിട്ട ചിത്രം സംവിധാനം ചെയ്യുന്നത് അഷ്‌റഫ് ഹംസയാണ്. ചിത്രത്തിന്റെ ഷൂട്ടിംഗ് കോവിഡ് പ്രൊട്ടോക്കോള്‍ അനുസരിച്ച് ആരംഭിച്ചു.
കുറ്റിപ്പുറത്താണ് നിലവില്‍ ചിത്രീകരണം നടക്കുന്നത്. തമാശ എന്ന ചിത്രത്തിന് ശേഷം അഷ്‌റഫ് ഹംസ ഒരുക്കുന്ന സിനിമയാണിത്. കുഞ്ചാക്കോ ബോബന്‍, ചെമ്പന്‍ വിനോദ് ജോസ് എന്നിവര്‍ക്കൊപ്പം ചിന്നു ചാന്ദ്‌നി, ജിനു ജോസഫ് എന്നിവരും ചിത്രത്തില്‍ പ്രധാന വേഷങ്ങളിലെത്തുന്നു.
ചെമ്പന്‍ വിനോദ്, റിമ കല്ലിങ്കല്‍, ആഷിഖ് അബു എന്നിവര്‍ ചേര്‍ന്നാണ് നിര്‍മ്മാണം. ഗിരീഷ് ഗംഗാധരന്‍ ഛായാഗ്രഹണവും മഷര്‍ ഹംസ വസ്ത്രാലങ്കാരവും വിഷ്ണു വിജയ് സംഗീത സംവിധാനവും നിര്‍വഹിക്കുന്നു.
Read more
നായാട്ട്, നിഴല്‍ എന്നീ ചിത്രങ്ങളുടെ ഷൂട്ടിംഗ് പൂര്‍ത്തിയാക്കിയതിന് ശേഷം കുഞ്ചാക്കോ ബോബന്‍ അഭിനയിക്കുന്ന അടുത്ത ചിത്രമാണ് ഭീമന്റെ വഴി. അഷ്‌റഫിന്റെ തമാശയിലും ചിന്നു ചാന്ദ്‌നി ആയിരുന്നു നായിക. 2019-ല്‍ റിലീസ് ചെയ്ത ചിത്രത്തില്‍ വിനയ് ഫോര്‍ട്ട് ആണ് നായകനായെത്തിയത്. ഏറെ ചര്‍ച്ചയായതും പ്രേക്ഷകപ്രീതിയും നേടിയ ചിത്രമായിരുന്നു തമാശ.
