മലയാളി പ്രേക്ഷകരുടെ പ്രിയ ഹാസ്യതാരം ഇന്നസെന്റിന്റെ ജന്മദിനം ആഘോഷിച്ച് ലാലും മകന്‍ ജീന്‍ പോളും. ലാല്‍ തിരക്കഥ ഒരുക്കി ജീന്‍ പോള്‍ സംവിധാനം ചെയ്യുന്ന Tസുനാമിയുടെ സെറ്റില്‍ വെച്ചായിരുന്നു ആഘോഷം. “”മത്തായിച്ചന് ജന്മദിനാശംകള്‍”” എന്ന ഫ്‌ളക്‌സ് ബോര്‍ഡും സെറ്റില്‍ വെച്ചിരുന്നു.
റാംജി റാവു എന്ന സിനിമയുടെ സെറ്റില്‍ നടന്ന രസകരമായ സംഭവങ്ങളും ഇന്നസെന്റ് പറഞ്ഞു. “”അന്ന് ചെറിയ ചെറിയ വേഷങ്ങളില്‍ അഭിനയിച്ചു നടക്കുന്ന സമയത്താണ് സിദ്ദിഖും ലാലും റാംജിറാവു സ്പീക്കിങ്ങുമായി വരുന്നത്. അങ്ങനെ അഭിനയിക്കാന്‍ ചെന്നു. ഓരോ ഷോട്ട് എടുത്തു കഴിയുമ്പോഴും ഞാന്‍ ഇവരുടെ നേരെ നോക്കും, രണ്ടുപേരും താടിയില്‍ ചൊറിഞ്ഞ് എന്തൊക്കെയോ പറയുന്നു. അന്ന് ഞാന്‍ ഉറപ്പിച്ചു, ഇത് പൊളിയാനുള്ളതാണ്. പക്ഷേ ഷൂട്ട് അഞ്ച് ദിവസം പിന്നിട്ടപ്പോള്‍ എനിക്ക് മനസ്സിലായി, ഇവര്‍ക്കു പണി അറിയാം”” എന്ന് ഇന്നസെന്റ് പറഞ്ഞു.
Read more
പാണ്ട ഡാഡ് പ്രൊഡക്ഷന്‍സിന്റെ ബാനറില്‍ ജീന്‍ പോള്‍ ലാല്‍ സംവിധാനം ചെയ്യുന്ന ചിത്രം ലാലിന്റെ മകള്‍ മോണിക്കയുടെ ഭര്‍ത്താവ് അലന്‍ ആന്റണിയാണ് നിര്‍മ്മിക്കുന്നത്. ബാലു വര്‍ഗീസ് നായകവേഷത്തില്‍ എത്തുന്ന ചിത്രത്തില്‍ ഇന്നസെന്റ് ,മുകേഷ് , അജു വര്‍ഗീസ് , സുരേഷ് കൃഷ്ണ എന്നിവര്‍ മറ്റ് പ്രധാന വേഷങ്ങളില്‍ എത്തുന്നു.
