പൊതുവേദിയില്‍ വച്ച് കാമുകി തരിണിയെ പ്രൊപ്പോസ് ചെയ്ത് കാളിദാസ് ജയറാം. ഷി തമിഴ് നക്ഷത്ര 2023 അവാര്‍ഡിന് തരിണി കലിംഗരായര്‍ക്കൊപ്പം എത്തിയതായിരുന്നു കാളിദാസ്. ബസ്റ്റ് ഫാഷന്‍ മോഡലിനുള്ള 2023ലെ അവാര്‍ഡ് തരിണി കലിംഗരായര്‍ക്കായിരുന്നു.
നിങ്ങള്‍ക്ക് പിന്നില്‍ അഭിമാനത്തോടെ ഒരാളുണ്ടെന്നും അദ്ദേഹത്തെ മെന്‍ഷന്‍ ചെയ്യാതാരിക്കാന്‍ പറ്റില്ല എന്നും തരിണിയോട് ചൂണ്ടിക്കാട്ടി, അവതാരക കാളിദാസിനെ വേദിയിലേക്ക് ക്ഷണിക്കുകയായിരുന്നു. വേദിയിലെത്തിയ കാളിദാസ് തരിണിയെ കെട്ടിപ്പെടിച്ചു.
നിങ്ങള്‍ തമ്മിലുള്ള ബന്ധം എന്താണെന്ന് അവതാരക ചോദിച്ചപ്പോള്‍ ഞങ്ങള്‍ വിവാഹം ചെയ്യാന്‍ പോവുകയാണ് എന്നായിരുന്നു കാളിദാസിന്റെ മറുപടി. തുടര്‍ന്ന് ‘വാരണം ആയിരം’ ചിത്രത്തില്‍ സൂര്യ പറഞ്ഞ ഡയലോഗ് പറഞ്ഞ് കാളിദാസ് തരിണിയെ പ്രൊപ്പോസ് ചെയ്യുകയായിരുന്നു.
View this post on Instagram
തരിണിയെ എടുത്ത് ഉയര്‍ത്തുന്ന ദൃശ്യങ്ങളും വീഡിയോയിലുണ്ട്. വിഷ്വല്‍ കമ്മ്യൂണിക്കേഷന്‍ ബിരുദധാരിയും മോഡലുമായ തരിണിയും കാളിദാസും ജയറാമും, പാര്‍വതിയും, മാളവികയും ഒന്നിച്ചുള്ള തിരുവോണ ദിനത്തിലെ ഫോട്ടോ പുറത്തുവന്നതോടെയാണ് താരം പ്രണയത്തിലാണെന്ന വാര്‍ത്തകള്‍ വന്നത്.
Read more
ഇതിന് പിന്നാലെ വാലന്റൈന്‍സ് ഡേയില്‍ താരം പ്രണയം വെളിപ്പെടുത്തുകയും ചെയ്തു. എന്നാല്‍ വിവാഹം എപ്പോഴായിരിക്കും എന്ന് വെളിപ്പെടുത്തിയിട്ടില്ല. അതേസമയം, മലയാളത്തില്‍ അധികം വിജയചിത്രങ്ങള്‍ ഇല്ലാത്ത കാളിദാസ് അന്യഭാഷാ ചിത്രങ്ങളുമായി തിരക്കിലാണ്. ‘നക്ഷിത്തിരം നഗര്‍കിരത്’ ആണ് ഒടുവില്‍ റിലീസ് ചെയ്ത ചിത്രം.
