വിക്രത്തിന്റെ വിജയത്തിന് പിന്നാലെ സഹതാരങ്ങൾക്കും അണിയറപ്രവർത്തകർക്കും സമ്മാനങ്ങൾ നൽകി കമൽഹാസൻ. ചിത്രത്തിന്റെ സംവിധായകൻ ലോകേഷ് കനകരാജിന് കമലഹാസൻ ആഡംബരക്കാർ സമ്മനിച്ചതിനു പിന്നാലെ പ്രതിഫലം വാങ്ങാതെ അഭിനയിച്ച സൂര്യയ്ക്ക് ആഡംബര വാച്ചും കമൽ സമ്മാനിച്ചിരുന്നു. റോളക്സ് വാച്ച് ശ്രേണിയിലെ ഏറ്റവും വില കൂടിയ മോഡലുകളിലൊന്നായ റോളക്സ് ഡേ ഡേറ്റ് പ്രസിഡെൻഷ്യലാണ് കമൽ സൂര്യയ്ക്ക് സമ്മാനിച്ചത്.
വാച്ച് സമ്മാനമായി നൽകുന്ന രീതി കമലഹാസന് മുൻപ് തന്നെ ഉണ്ടായിരുന്നു വെന്നാണ് ആരാധകരുടെ കണ്ടെത്തൽ. ഹേ റാം എന്ന ചിത്രത്തിൽ പണം വാങ്ങാതെ അഭിനയിച്ച ഷാരൂഖ് ഖാനും കമൽഹാസൻ റിസ്റ്റ് വാച്ച് സമ്മാനമായി നൽകിയിരുന്നു. മുൻപ് നൽകിയ ഒരു അഭിമുഖത്തിൽ കമൽ തന്നെ ഇക്കാര്യം വ്യക്തമാക്കിയിരുന്നു
‘എനിക്കൊപ്പം അഭിനയിക്കണം എന്ന മോഹമായിരുന്നു ഷാരൂഖിനെ ‘ഹേ റാമി’ലേക്ക് എത്തിച്ചത്. ചിത്രത്തിന്റെ ബജറ്റ് വല്ലാതെ കൂടുതലായിരുന്നു. ഷാരൂഖിനോട് പ്രതിഫലം ചോദിച്ചപ്പോൾ ഒന്നും വേണ്ട എന്നായിരുന്നു മറുപടി. ഒടുവിൽ ഒരു റിസ്റ്റ് വാച്ചാണ് ഞാൻ അദ്ദേഹത്തിന് നൽകിയതെന്ന് അന്ന് കമൽഹാസൻ പറയുന്നു. ഇന്ന് കമൽഹാസനൊപ്പം സ്ക്രീൻ പങ്കിടാൻ ആഗ്രഹിച്ച സൂര്യയും പ്രതിഫലം വാങ്ങാൻ തയാറായിരുന്നില്ല.
Read more
ഇതോടെയാണ് ലോക നേതാക്കളടക്കമുള്ള വിവിഐപികൾ ഉപയോഗിക്കുന്ന വാച്ച് സൂര്യക്ക് കമലഹാസൻ സമ്മാനമായി നൽകിയത്. ഏകദേശം മുപ്പത് ലക്ഷം രൂപയാണ് വാച്ചിന്റെ വില. സംവിധായകൻ ലോകേഷ് കനകരാജിന് ലക്സസ് ഇഎസ് 300 എച്ച് എന്ന ആഡംബര കാറും 13 സഹസംവിധായകർക്ക് അപ്പാച്ചെ 160 ആർടിആർ ബൈക്കും കമലഹാസൻ സമ്മാനമായി നൽകിയിരുന്നത്. ചിത്രത്തിന്റെ കളക്ഷൻ 200 കോടിയും കടന്ന് കുതിക്കുകയാണ്.
