മമ്മൂട്ടി കമ്പനിചിത്രം ‘കണ്ണൂര്‍ സ്‌ക്വാഡ്’ റിലീസ് ഈ വര്‍ഷം പകുതിയോടെ. ജൂണ്‍ അവാസത്തോടെയോ ജൂലൈ ആദ്യ വാരത്തിലോ റിലീസിനെത്തുമെന്ന് റിപ്പോര്‍ട്ട്. സിനിമയുടെ അവസാവഘട്ട പോസ്റ്റ് പ്രൊഡക്ഷന്‍ വര്‍ക്കിലാണ് അണിയറപ്രവര്‍ത്തകര്‍. രണ്ട്-മൂന്ന് മാസത്തിനുള്ളില്‍പൂര്‍ത്തിയാകും.
സുഷിന്‍ ശ്യാമാണ് ചിത്രത്തിന് പശ്ചാത്തല സംഗീതം ഒരുക്കുന്നത്. രണ്ട് മാസത്തിനുള്ളില്‍ ഈ ജോലികളും പൂര്‍ത്തിയാകും. ഏപ്രില്‍ ആറിനാണ് കണ്ണൂര്‍ സ്‌ക്വാഡിന്റെ ചിത്രീകരണം പൂര്‍ത്തിയായത്. ‘റോഷാക്ക്’, ‘നന്‍പകല്‍ നേരത്ത് മയക്കം’, ‘കാതല്‍’ എന്നീ സിനിമകള്‍ക്ക് ശേഷമുള്ള മമ്മൂട്ടി കമ്പനി ചിത്രമാണ് കണ്ണൂര്‍ സ്‌ക്വാഡ്.
Read more
ദുല്‍ഖര്‍ സല്‍മാന്റെ വേഫെറര്‍ ഫിലിംസാണ് ചിത്രം കേരളത്തില്‍ വിതരണം ചെയ്യുന്നത്. ഛായാഗ്രാഹകനായ റോബി വര്‍ഗീസ് രാജ് ആദ്യമായി സംവിധാനം ചെയ്യുന്ന ചിത്രത്തിന്റെ രചന നിര്‍വഹിച്ചിരിക്കുന്നത് മുഹമ്മദ് ഷാഫിയും റോണി ഡേവിഡ് രാജുമാണ്. മുഹമ്മദ് റാഹില്‍ ഛായാഗ്രഹണം നിര്‍വഹിക്കുന്നത്.
