മമ്മൂട്ടിയുടെ കരിയറില്‍ നൂറ് കോടിയെത്തുന്ന ആദ്യ ചിത്രമായി മധുര രാജ മാറിയ വിവരം കുറച്ചു ദിവസങ്ങള്‍ക്ക് മുമ്പാണ് നിര്‍മ്മാതാവ് നെല്‍സണ്‍ ഐപ്പ് അറിയിച്ചത്. ഇപ്പോള്‍ ഈ വിവരം തമിഴ്, തെലുഗ്, കന്നഡ ദിനപത്രങ്ങളും വാര്‍ത്ത ആക്കിയിരിക്കുകയാണ്. പ്രമുഖ തമിഴ് ദിന പത്രം ദിനമലര്‍ ഇത് വാര്‍ത്തയാക്കിയിട്ടുണ്ട്.
ഉദയ കൃഷ്ണ തിരക്കഥ രചിച്ച ഈ മാസ്സ് മസാല ചിത്രത്തില്‍ തമിഴ് നടന്‍ ജയ്, തെലുഗ് നടന്‍ ജഗപതി ബാബു എന്നിവരും അഭിനയിച്ചിട്ടുണ്ട്. കൂടാതെ മഹിമ നമ്പ്യാര്‍, അനുശ്രീ, പ്രശാന്ത് അലക്സാണ്ടര്‍, നെടുമുടി വേണു, സലിം കുമാര്‍, വിജയ രാഘവന്‍, വിനയ പ്രസാദ്, ബിജു കുട്ടന്‍, നോബി എന്നിവരും ഈ ചിത്രത്തിന്റെ താര നിരയില്‍ ഉണ്ട്.
അഞ്ചു മലയാള ചിത്രങ്ങളാണ് 100 കോടി കളക്ഷന്‍ ക്ലബ്ബില്‍ ഉള്ളത് മലയാള സിനിമയില്‍ നൂറു കോടി കളക്ഷന്‍ നേടിയ രണ്ടു ചിത്രങ്ങളും നൂറു കോടി ബിസിനസ്സ് ആയി നേടിയ മൂന്നു ചിത്രങ്ങളും ആണുള്ളത്. പുലിമുരുകന്‍, ലൂസിഫര്‍ , മധുര രാജ , കായംകുളം കൊച്ചുണ്ണി, ഒടിയന്‍ എന്നിവയാണ് മലയാള സിനിമയില്‍ 100 കോടി ക്ലബ്ബില്‍ ഉള്ള ചിത്രങ്ങള്‍.
Read more
